+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ىندەتپەن ايانباي كۇرەسكەن اتىراۋلىق دارىگەر قايتىس بولعاننان كەيىن ماراپاتتالدى

13 شىلدە 21:55
:ءبولىسۋ
ىندەتپەن ايانباي كۇرەسكەن اتىراۋلىق دارىگەر قايتىس بولعاننان كەيىن ماراپاتتالدى

اتىراۋ. قازاقپارات - اتىراۋدا 2№ وبلىستىق ينفەكتسيالىق اۋرۋحانانىڭ دارىگەرلەرى كوروناۆيرۋستان قايتىس بولعان ارىپتەسى جۇمابەك داۋلەتوۆتىڭ كاسىبي، ادامگەرشىلىك قاسيەتى تۋرالى ايتىپ بەردى، دەپ حابارلايدى قازاقپارات.

قاۋىپتى ىندەتكە شالدىققان ناۋقاستاردى ەمدەگەن ينفەكتسيونيست - دارىگەردىڭ ءبىرى - جۇمابەك داۋلەتوۆ اقتوبە مەديتسينا ينستيتۋتىن بىتىرگەن. ول ەڭبەك جولىن 1981-جىلى بالىقشى اۋداندىق اۋرۋحاناسىندا باستاعان. كەيىن 1998-جىلى وبلىستىق ينفەكتسيالىق اۋرۋحاناعا جۇمىسقا اۋىسقان.

«جۇمابەك باعىت ۇلى بۇل اۋرۋحانادا العاشقىدا - رەانيموتولوگ، ودان سوڭ ءومىرىنىڭ سوڭىنا دەيىن ينفەكتسيونيست بولىپ ەڭبەك ەتتى. ايماققا ەسىمى كەڭىنەن تارالعان دارىگەر ۋاقىتپەن ساناسپايتىن. ءوز ىسىنە ۇلكەن جاۋاپكەرشىلىكپەن قاراۋشى ەدى»، - دەيدى 2№ وبلىستىق ينفەكتسيالىق اۋرۋحانا ديرەكتورىنىڭ كەڭەسشىسى اسلان جەڭىس ۇلى.

بىرگە ەڭبەك ەتكەن ارىپتەستەرىنىڭ ايتۋىنا قاراعاندا، جۇمابەك داۋلەتوۆ 40 جىلعا جۋىق دارىگەرلىك ەڭبەك جولىندا وبا، حولەرا، تۇينەمە سەكىلدى ۆيرۋستى ىندەتپەن اۋىرعان جاندارعا ەمىمەن دە، جىلى سوزىمەن دە شيپا دارىتقان. اۋرۋحانادا جەتىسپەيتىن دارىگەرلەردىڭ مىندەتىن قوسا اتقارۋدان ەشقاشان تارتىنباعان. ءتىپتى، تالاي رەت قان قىسىمى كوتەرىلىپ وتىرسا دا، جۇمىس ورنىن تاستاپ كەتپەگەن.

«ول - دارىگەرلىك انتىنا ادال، اق حالاتىنا قىلاۋداي داق تۇسىرمەگەن تازا جان ەدى. جاس بۋىنعا ءجون سىلتەر اقىلشى بولدى. مەيىربيكەلەر مەن تازالىقشىلارعا اعاسىنداي قامقور قولىن سوزاتىن جاناشىر جان ەدى» دەپ ەسكە الادى ارىپتەستەرى.

ايتا كەتەيىك، ينفەكتسيونيست- دارىگەر جۇمابەك داۋلەتوۆ كوروناۆيرۋستان قايتىس بولعاننان كەيىن پرەزيدەنت جارلىعىمەن «قۇرمەت» وردەنىمەن ماراپاتتالدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات