+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتى اكىمدىگى ءدارىحاناداعى ءدارى باعالارىنداعى وزگەرىستەردى ايتتى

13 شىلدە 21:31
:ءبولىسۋ
الماتى اكىمدىگى ءدارىحاناداعى ءدارى باعالارىنداعى وزگەرىستەردى ايتتى

الماتى. قازاقپارات - الماتى اكىمدىگى ءدارىحانالاردا ءدارى باعاسى باقىلاۋعا الىنعانىن ايتىپ، وسى ۋاقىتقا دەيىن زاڭبۇزۋشىلىق تىركەلمەگەنىنە سەندىردى، دەپ حابارلايدى قازاقپارات ءتىلشىسى.

ق ر فارماتسيەۆتيكالىق قىزمەتتى قولداۋ جانە دامىتۋ قاۋىمداستىعىنىڭ پرەزيدەنتى مارينا دۋرمانوۆا ق ر د س م 104№ بۇيرىعىنا سايكەس، ءدارىنىڭ شەكتى باعاسى بەلگىلەنگەنىن ايتتى.

«بىزدە ءدارى باعاسىن مەملەكەت رەتتەيدى. سوندىقتان، ءاربىر ءوزىن قۇرمەتتەيتىن بيزنەسمەن وسى شەكتى باعانى اسىپ كەتپەيدى. ويتكەنى ءبىرىنشى مارتە وعان ۇلكەن كولەمدە ايىپپۇل سالىنادى. ەكىنشى رەت كاسىپورىننىڭ جۇمىسى 6-ايعا توقتاتىلۋى مۇمكىن. بيزنەس جابىلدى دەپ ساناۋعا دا بولادى»، - دەدى ول.

ونىڭ ايتۋىنشا، ءدارىحانالار تاراپىنان زاڭبۇزۋشىلىق تىركەلمەدى.

«بىزدە شەكتى باعا بار. مىسالى پاراتسەتامول بۇرىن 70-80 تەڭگە بولعان. شەكتى باعاسى - 128 تەڭگە. ودان قىمبات بولۋى مۇمكىن ەمەس. ءدارىحانالاردىڭ بىرەۋى دە بۇل باعانى كوتەرگەن ەمەس. باعانى كوتەرۋ تۋرالى اڭگىمە بولدى. ءبىراق، باعا قىمباتتامادى»، - دەدى مارينا دۋرمانوۆا.

ال قالا اكىمىنىڭ ورىنباسارى ساپاربەك تۇياقبايەۆ قالا ءدارىحانالارىنداعى باعانى ارنايى كوميسسيا باقىلاۋدا ۇستاپ وتىرعانىن ايتتى.

«باعا كوتەرۋ بويىنشا ءبىر دە ءبىر دەرەك كەزدەسپەدى. ءبىز قاتاڭ باقىلاۋعا الماس بۇرىن بىرەۋلەر 3 پاراتسەتامول ورنىنا 100 قاپتاما ساتىپ الىپ وتىرعان. سوسىن ونى ينتەرنەت ارقىلى ساتىپ وتىرعان. بۇل دەرەكتەردى ءبىز پوليتسياعا بەردىك. 11 دەرەك انىقتالدى»، - دەدى س. تۇياقبايەۆ.

ونىڭ ايتۋىنشا، قالادا 800 ءدارىحانا بار. ولاردىڭ جۇمىسى اكىمدىك پەن فارمكومپانيالار اراسىنداعى كەلىسىم نەگىزىندە باقىلاۋعا الىنعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات