وكپەنى كومپيۋتەرلىك توموگرافياعا قانداي كەزدە تۇسىرگەن ءجون

نۇر-سۇلتان. قازاقپارات - وكپە قىسىلىپ، ەنتىگۋ پايدا بولعان كەزدە نە ىستەۋ كەرەك؟ بۇل تۋرالى قاراعاندى قالاسى اۋرۋحاناسىنىڭ جالپى تاجىريبەلىك دارىگەرى، №3 وتباسىلىق دەنساۋلىق ورتالىعىنىڭ ءبولىم مەڭگەرۋشىسى ساياگۇل بالاحمەتوۆا ونلاين بريفينگتە ايتىپ بەردى.

«بىردەن كومپيۋتەرلىك توموگرافياعا، رەنتگەنگە ءتۇسۋ مىندەتتى ەمەس. ەڭ العاشقى 3-5 كۇن ارالىعىندا كومپيۋتەرلىك توموگرافيادان وتكەننىڭ وزىندە وكپەنىڭ قابىنۋىن ناقتى كورسەتپەۋى مۇمكىن. سول سەبەپتى بىردەن كومپيۋتەرلىك توموگرافيادان ءوتۋدىڭ قاجەتى جوق. ەگەر ناۋقاستىڭ اۋىرۋ ۇزاقتىعى 5 كۇننەن ارتىق 6-7 كۇنگە سوزىلسا، دەنە قىزۋى جوعارىلاسا، ەنتىگۋ كۇشەيسە، دارىگەردىڭ كومەگىنە جۇگىنىپ، نۇسقاۋلىققا قاراي كومپيۋتەرلىك توموگرافيادان وتۋگە بولادى»، - دەدى دارىگەر.

www.24.kz