دارىگەرسىز قالعان اۋرۋحانا. قىرعىزستاننان ۆيدەو جاريالاندى

اتىراۋ. قازاقپارات - قىرعىزستاننىڭ كانت قالاسىندا كوروناۆيرۋستان ەم الىپ جاتقان ناۋقاس الەۋمەتتىك جەلىگە مەديتسينالىق قىزمەتكەرى قالماعان اۋرۋحانانىڭ ۆيدەوسىن جۇكتەدى.

اۆتور عيماراتتىڭ دالىزىمەن ءجۇرىپ كەلىپ، ناۋقاستاردىڭ دارىگەر، مەدبيكە قاراۋىنسىز ءبىر تاۋلىك بويى جاتقانىن ايتادى.

«ەم- دوم شارالارى توقتاتىلدى، ەشكىم بۇل جاعدايمەن شارۋاسى جوق» دەيدى ۆيدەودا. بەيرەسمي اقپاراتقا سايكەس، بۇل اۋرۋحاناداعى 80 قىزمەتكەردىڭ 50- ءى اۋىرىپ قالعان. قالعان دارىگەرلەر ماماندىقتان شارشاپ، قاجىعانىن ايتادى. ەندى ءبىرى ۆيدەوعا اۋىسىم كەزى ءتۇسىپ قالعان دەپ وتىر.

قىرعىزستاننىڭ دەنساۋلىق ساقتاۋ مينيسترلىگى بولسا، شىنىندا قازىر مەديتسينالىق قىزمەتكەرلەردىڭ ءوزى كەسەلگە شالدىعىپ جاتقانىن جەتكىزدى. ونىڭ قاتارىندا كانت اۋرۋحاناسىنىڭ ماماندارى دا بار. مينيسترلىك بۇل جەرگە وزگە اۋرۋحانادان 18 مەديتسينا قىزمەتكەرىن جىبەرەتىنىن مالىمدەدى. ايتا كەتەيىك، قىرعىزستاندا 10 مىڭ 629 ادام كوروناۆيرۋس جۇقتىرعان، 132 ناۋقاس كەسەلدەن كوز جۇمدى.

www.24.kz