12:36, 13 - شىلدە 2020 | GMT +6
قاسىم- جومارت توقايەۆ ىندەتتەن قازا بولعان ازاماتتاردى قۇرمەتپەن ەسكە الدى
نۇر- سۇلتان. قازاقپارات - اقوردا رەزيدەنتسياسىنىڭ الدىندا مەملەكەت باسشىسى قاسىم- جومارت توقايەۆ كورونۆيرۋس ىندەتىنەن قازا تاپقان ازاماتتاردى قۇرمەتپەن ءبىر مينۋت ەسكە الدى، دەپ حابارلايدى قازاقپارات ءتىلشىسى.
ەسكە الۋ راسىمىنە ق ر پارلامەنتى سەناتىنىڭ ءتوراعاسى ماۋلەن اشىمبايەۆ، ءماجىلىس ءتوراعاسى نۇرلان نىعماتۋلين، ق ر مەملەكەتتىك حاتشىسى قىرىمبەك كوشەربايەۆ قاتىستى. ىندەت قۇرباندارىن ءۇنسىز ەسكە الۋ ءراسىمى رەسپۋبليكانىڭ بارلىق ايماعىندا ءوتتى. قۇرباندارعا تاعزىم شاراسىن رەسپۋبليكالىق ارنالار تىكەلەي ەفير ارقىلى كورسەتىلدى. ايتا كەتەيىك، ەلىمىزدە قالىپتاسقان احۋالعا بايلانىستى حالىققا ۇندەۋ جاساعان ق ر پرەزيدەنتى قاسىم- جومارت توقايەۆ 13-شىلدە- ۇلتتىق ازا تۇتۋ كۇنى دەپ جاريالايتىنىن ءمالىم ەتكەن بولاتىن. ءتيىستى وكىمگە مەملەكەت باسشىسى 9 -شىلدە كۇنى قول قويدى.