ءۇندى كينوسىنىڭ جۇلدىزدارى كوروناۆيرۋس جۇقتىردى
سەنبى كۇنى بولليۆۋد جۇلدىزى، ءۇندى كينوسى تاريحىنداعى ەڭ تانىمال اكتەرلەردىڭ ءبىرى اميتابح باچچاننان COVID-19 تابىلدى. كەيىنىرەك ونىڭ ۇلى - اكتەر جانە پروديۋسەر ابحيشەك باچچان كوروناۆيرۋسقا جاساعان تەستى وڭ ناتيجە بەرگەنىن حابارلادى. جەكسەنبى كۇنى ونىڭ كەلىنى - فوتومودەل جانە اكتريسا ايشۆاريا راي مەن 8 جاسار نەمەرەسىنىڭ اۋرۋ جۇقتىرىپ العانى بەلگىلى بولدى. ولاردىڭ بارلىعى مۋمباي اۋرۋحاناسىنا جاتقىزىلدى. كينوجۇلدىز تابىنۋشىلارى سۇيىكتى اكتەرلەرىنىڭ اۋرۋ جۇقتىرىپ العانىنا تاڭعالدى.
رادجەش كەدار، ريكشي جۇرگىزۋشى:
«كوروناۆيرۋس مۋمبايدا وتە تەز تارالىپ جاتىر، ءتىپتى اميتابح باچچان دا جۇقتىرىپ الدى» .
ءابدۋل راۋفف، اميتابح باچچاننىڭ تابىنۋشىسى:
«ونىڭ فيلمدەرىن بىرنەشە ۇرپاق بويى تاماشالاپ كەلەمىز - مەنىڭ اتاما، اكەمە جانە ماعان ونىڭ فيلمدەرى ۇنايدى» .
ءۇندىستان اۋرۋ جۇقتىرۋ بويىنشا ءۇشىنشى ورىندا - ول جاقتا 850 مىڭنان استام ادام COVID-19-عا شالدىققان. سوڭعى كۇندەرى كوروناۆيرۋستىڭ تارالۋى رەكوردتىق كورسەتكىشكە جەتكەن - ءبىر تاۋلىكتە 29 مىڭ ادامنان انىقتالعان. قۇرباندار سانى 23 مىڭعا جاقىندادى. ساراپشىلاردىڭ ايتۋىنشا، ەپيدەميا ءالى ءوز شىڭىنا جەتپەگەن.