الەكسەي تسوي: ولار ءبىزدىڭ ەسىمىزدە ماڭگى ناعىز باتىر بولىپ قالادى
مينيستر COVID-19 ەندەتىنىڭ ەلىمىزدىڭ جۇزدەگەن ازاماتىنىڭ ءومىرىن قيعانىن جاريا ەتتى، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
«وسى كۇندەرى مەنىڭ ارىپتەستەرىم - دارىگەرلەر مەن مەديتسينا قىزمەتكەرلەرى ومىردەن وزدى، ماڭگىلىككە كوز جۇمدى، ولار كۇتپەگەن قاۋىپ-قاتەرمەن بەتپە-بەت كەلدى، سوڭعى دەمدەرى قالعانشا كۇرەستى. بۇل قايعىلى جاعداي ءبىز ءۇشىن ورنى تولماس قازا. ولار ءومىرىنىڭ سوڭىنا دەيىن دارىگەرلىك بورىشىن جانقيارلىقپەن اتقاردى. ءبىزدىڭ ەسىمىزدە ولار ماڭگى ناعىز باتىر بولىپ قالادى»، - دەدى ا. تسوي.
مينيستر بۇل ىندەتتى توقتاتۋ ءۇشىن وعان سەبەپكەر بولىپ وتىرعان پاندەميامەن كۇرەستە سەرپىندى جانە ءتيىمدى شارالار قاجەت ەكەنىن اتاپ ءوتتى.
«وسى قاۋىپ- قاتەردى توقتاتۋ ءۇشىن مەن جانە مەنىڭ ارىپتەستەرىمىز تاۋلىك بويى جۇمىسىمىزدى جالعاساتىرۋدامىز» - دەپ مالىمدەدى مينيستر.
ۇكىمەت مەديتسينالىق ۇيىمدارعا جانە ءدارىحانالارعا قاجەتتى ءدارى-دارمەكتەردى جەتكىزۋ بويىنشا شۇعىل شارالار قابىلداۋدا، قوسىمشا توسەك ورىندار ۇيىمداستىرىلۋدا، شەتەلدىك ساراپشىلارمەن بىرلەسىپ كوروناۆيرۋستى ەمدەۋ ادىستەرى جان-جاقتى زەردەلەنۋدە جانە جەتىلدىرىلۋدە. ول سونداي-اق قازاقستاندىقتاردى قولدان كەلەر كومەكتەرى بولسا وسى ىندەتپەن كۇرەسۋدە بەلسەندى اتسالىسۋعا شاقىردى جانە ەرىكتىلەر مەن بەلسەندى ازاماتتاردىڭ ماڭىزدى ءرولىن اتاپ ءوتتى.
«ءبىز بىرگەمىز، ءبىز پانەدميامەن جەڭىپ شىعۋ ءۇشىن بارلىق كۇش-جىگەرىمىزدى جۇمىلدىرامىز. ءبىز بۇل قيىندىقتى جۇمىلا وتىرىپ، جەڭە الاتىنىمىزعا سەنىمدىمىن» - دەپ ەلىمىزىدىڭ باس دارىگەرى الەكسەي تسوي ءسوزىن تۇيىندەدى.
ايتا كەتەيىك، ەلىمىزدىڭ دەنساۋلىق ساقتاۋ مينيسترلىگى بۇگىن كوروناۆيرۋس ىندەتىمەن كۇرەس جولىندا باقيلىق بولعان بارلىق دارىگەرلەردىڭ ءتىزىمىن جاريالادى.