+7 (701) 759 90 19
17 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ا ق ش- تا كوروناۆيرۋس جۇقتىرعاندار سانى جاعىنان جاڭا رەكورد ورنادى

13 شىلدە 15:24
:ءبولىسۋ
ا ق ش- تا كوروناۆيرۋس جۇقتىرعاندار سانى جاعىنان جاڭا رەكورد ورنادى

ۆاشينگتون. قازاقپارات - ا ق ش- تا كوروناۆيرۋس جۇقتىرۋ جاعدايلارىنىڭ سانى ارتۋدا، دەمالىس كۇندەرى انتيرەكورد ورنادى.

يزرايلدە مىڭداعان ادام ۇكىمەتتەن وتەماقى تالاپ ەتىپ كوشەگە شىقتى، دەپ حابارلايدى قازاقپارات BBC اگەنتتىگىنە سىلتەمە جاساپ.

دجونس حوپكينس ۋنيۆەرسيتەتىنىڭ مالىمەتى بويىنشا Covid-19 ىندەتىنە شالدىققاندار سانى الەمدە 13 ميلليون ادامعا جۋىقتادى. 565 مىڭنان استام ناۋقاس قايتىس بولدى.

ماسكا تاققان ترامپ جانە ا ق ش- تاعى جاڭا انتيرەكورد

ا ق ش پرەزيدەنتى دونالد ترامپ پاندەميا كەزەڭىندە العاش رەت كامەراعا ماسكامەن ءتۇستى. بۇل سەنبى كۇنى بولدى. بۇل كۇنى ەلدە 66 مىڭ ادام اۋرۋ جۇقتىرىپ، كەزەكتى رەكورد جاڭاردى.

ترامپ سەنبى كۇنى ۆاشينگتون ماڭىنداعى ۋولتەر ريد اسكەري اۋرۋحاناسىنا جاراقات العان اسكەري لەرمەەن جانە Covid-19 جۇقتىرعان پاتسيەنتتەردى كۇتەتىن مەديتسينالىق قىزمەتكەرلەرمەن كەزدەسۋگە باردى.

ب ا ق ترامپتىڭ كومەكشىلەرى پرەزيدەنتتەن كوپشىلىك الدىندا ماسكا تاعۋدى سۇراعانىن حابارلادى.

الايدا ول ميتينگىلەردە، باسپا ءسوز كونفەرەنتسيالارىندا جانە باسقا دا كوپشىلىك قاتىساتىن ءىس-شارالاردا ماسكا تاعۋدان باس تارتقان بولاتىن.

ا ق ش ىندەتكە شالدىققاندار سانى بويىنشا الەمدە كوش باستاپ تۇر. مۇندا 3 ميلليوننان استام ادام كوروناۆيرۋس جۇقتىرسا، 132,3 مىڭ ادام كوز جۇمعان.

رەسەي مەن بريتانياداعى جاعداي

رەسەيدە وتكەن تاۋلىكتە 6615 ادامنان كوروناۆيرۋس انىقتالىپ، 130 پاتسيەنت كوز جۇمعانىن ىندەتپەن كۇرەس جونىندەگى جەدەل شتاب حابارلادى. رەسەيدە ۆيرۋس تارالعالى بەرى 727 ادام اۋىرعان (الەم بويىنشا 4-ورىندا)، 11335 ناۋقاس قايتىس بولعان.

ۇلى بريتانيادا سەنبى كۇنى باسسەيندەر مەن اشىق اسپان استىنداعى تەاترلار، سونداي-اق كريكەت ويناۋعا ارنالعان الاڭدار اشىلدى.

ەلدە قوعامدىق ورىنداردا ماسكالاردى مىندەتتى تۇردە تاعۋ تۋرالى داۋ ءالى دە جالعاسۋدا. ازىرگە بيلىك مىندەتتى شارالار ەنگىزبەيتىندەرىن مالىمدەدى.

الەمدەگى احۋال

ءۇندىستاندا ۆيرۋس جۇقتىرعاندار سانى 820 مىڭ ادام بولدى. جەكسەنبى كۇنى ايگىلى ءۇندى اكتريسالارىنىڭ ءبىرى ايشۆاريا راي، ونىڭ كۇيەۋى مەن قىزى كوروناۆيرۋسقا شالدىققانى بەلگىلى بولدى.

ءۇندىستان اۋرۋ جۇقتىرعاندار سانى بويىنشا الەمدە ا ق ش پەن برازيليادان (1,8 ميلليون) كەيىنگى ءۇشىنشى، ال قايتىس بولعاندار سانى بويىنشا سەگىزىنشى ورىندا تۇر.

جالپى لاتىن امەريكاسىنداعى جاعداي ءالى دە ءماز ەمەس. لاتىن امەريكاسىنىڭ ءتورت مەملەكەتى برازيليا، پەرۋ، چيلي جانە مەكسيكا اۋرۋ كورسەتكىشتەرى ەڭ ناشار الەمدەگى ەلدەردىڭ العاشقى وندىعىنا كىردى.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات