+7 (701) 759 90 19
17 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

سەنات ءتوراعاسى: ءبىز ءۇشىن دۇنيەدەن وزعان ءار وتانداسىمىزدىڭ ورنى بولەك

13 شىلدە 13:19
:ءبولىسۋ
سەنات ءتوراعاسى: ءبىز ءۇشىن دۇنيەدەن وزعان ءار وتانداسىمىزدىڭ ورنى بولەك

نۇر-سۇلتان. قازاقپارات - پارلامەنت سەناتىنىڭ ءتوراعاسى ماۋلەن اشىمبايەۆ كوروناۆيرۋستان قازا تاپقان جانداردىڭ تۋعان-تۋىستارىنا كوڭىل ايتتى.

بۇل تۋرالى ق ر پارلامەنتى سەناتىنىڭ باسپا ءسوز قىزمەتى حابارلادى.

«مەملەكەت باسشىسى كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن 13- شىلدەنى ۇلتتىق ازا تۇتۋ كۇنى دەپ جاريالاعانى بەلگىلى. سوعان بايلانىستى بۇگىن بارشا قازاقستان حالقى ازا تۇتۋدا. وكىنىشكە قاراي، پاندەميا سالدارىنان كوز جۇمعان جانداردىڭ قاتارىندا ەلدىك مۇراتتى تۋ ەتكەن ارىستاي ازاماتتارىمىز، زيالى قاۋىم وكىلدەرى، مەملەكەت جانە قوعام قايراتكەرلەرى، سونداي-اق، وزگەنىڭ ءومىرى ءۇشىن سوڭعى ساتكە دەيىن كۇرەسىپ وتكەن دارىگەرلەرىمىز بار.

ءبىز ءۇشىن دۇنيەدەن وزعان ءار وتانداسىمىزدىڭ ورنى بولەك. وسىعان وراي ىندەتتەن قازا تاپقانداردىڭ تۋىستارى مەن جاقىندارىنا ورنى تولماس قايعىلارىنا ورتاقتاسىپ، كوڭىل ايتامىن. ەندى ەشقاشان مۇنداي قارالى كۇن بولماسىن! ەلىمىز امان، جۇرتىمىز تىنىش بولسىن! ءبىز قابىلدانعان شارالاردىڭ ارقاسىندا پاندەميانىڭ تارالۋىنا تويتارىس بەرىپ، ىندەتتى اۋىزدىقتايمىز دەپ سەنەمىز.

قازاق - سان قيلى تاريحىندا بۇدان دا اۋىر سىناقتاردان سۇرىنبەي وتكەن جانە تالاي تار جول، تايعاق كەشۋدەن امان قالعان حالىق. سونىڭ بارىندە بەكەم بىرلىك پەن ىرىس-ىنتىماعىمىزعا تابان تىرەدىك. قازىر دە ءدال سولاي اۋىزبىرشىلىك تانىتساق، اۋرۋدىڭ ءارى قاراي اسقىنۋىنا جول بەرمەيتىنىمىز ءسوزسىز. سوندىقتان ءارقايسىمىز جاقىندارىمىزعا جاناشىرلىق تانىتىپ، ماماندار انىقتاپ بەرگەن تالاپتاردى ورىنداۋعا ەرەكشە كوڭىل بولەيىك! ءار ازاماتىمىزدىڭ اماندىعى ءۇشىن بىرگە كۇرەسەيىك!»، - دەلىنگەن حابارلامادا.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات