ەرلان تۇرعىمبايەۆ جالعان اقپارات تاراتقاندار جاۋاپكەرشىلىككە تارتىلاتىنىن ايتتى
بۇل تۋرالى قازاقپارات Polisia.kz سايتىنا سىلتەمە جاساپ حابارلايدى.
ول الەۋمەتتىك جەلىدە تاراتىلعان جالعان اقپاراتتارعا مونيتورينگ جۇرگىزىلىپ وتىراتىنىن ايتتى.
«مەن ۇشاق، تىكۇشاقپەن ۆيرۋس پەن بيوحيميالىق قارۋ سەبىلىپ جاتقانى تۋرالى اقپارات - جالعان اقپارات ەكەنىن ايتقانمىن. بۇل، ارينە، وتىرىك جانە ارانداتۋشىلىق. ءى ءى م تەرگەۋ دەپارتامەنتى وسى فاكتى بويىنشا سوتقا دەيىنگى تەرگەۋ امالدارىن باستاپ كەتتى. تەكسەرۋ بارىسىندا بۇل جاعداي شەتەلدە ءورت ءسوندىرۋ بارىسىندا بولعانى انىقتالدى. بۇعان ۇشاقتاعى تانۋ بەلگىلەرى، ءورت ءسوندىرۋ كولىگىندەگى ءنومىر جانە ءورت سوندىرۋشىلەردىڭ اعىلشىن تىلىندە سويلەۋى دالەل بولا الادى»، - دەيدى ەرلان تۇرعىمبايەۆ.
ول مۇنداي تەحنيكا قازاقستاندا جوق ەكەنى جانە قولدانىلمايتىنىن ايتتى.
«سول سەبەپتى ازاماتتاردى مەملەكەتتىك ورگانداردىڭ رەسمي دەرەكتەرىنە عانا سەنۋدى جانە جالعان، راستالماعان اقپاراتتى تاراتپاۋعا شاقىرامىن»، - دەيدى مينيستر.