11:13, 13 - شىلدە 2020 | GMT +6
«جالپى ۇلتتىق ازالى ۇنسىزدىك» شاراسى تىكەلەي ەفيردە كورسەتىلەدى
نۇر-سۇلتان. قازاقپارات - ازا تۇتۋ كۇنىندە «حابار اگەنتتىگى» ا ق مەن «قازاقستان» تەلەراديوكورپوراتسياسىنا قاراستى تەلە-راديوارنالار ەفير كەستەسىن تولىقتاي وزگەرتەدى، دەپ حابارلايدى قازاقپارات ق ر اقپارات جانە قوعامدىق دامۋ مينيسترلىگىنە سىلتەمە جاساپ.
نۇر-سۇلتان ۋاقىتى بويىنشا ساعات 12:00 دە كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن ءبىر مينۋتتىق ۇنسىزدىك جاريالانادى.
«جالپى ۇلتتىق ازالى ۇنسىزدىك» شاراسىن Qazaqstan ۇلتتىق ارناسى 11:55 تەن باستاپ تىكەلەي ەفيردە كورسەتەدى.
ازا تۇتۋ كۇنىندە «حابار اگەنتتىگى» ا ق مەن «قازاقستان» تەلەراديوكورپوراتسياسىنا قاراستى تەلە، - راديوارنالار ەفير كەستەسىن تولىقتاي وزگەرتەدى. بارلىق ويىن-ساۋىقتىق باعدارلامالار الىنىپ، جارنامالىق كونتەنت تولىعىمەن توقتاتىلادى.
بۇرىنعى كەستەدەن تەك اقپاراتتىق باعدارلامالار عانا ەفيرگە شىعادى.