الماتى وبلىسىنىڭ اكىمى كوروناۆيرۋستان جازىلدى
«بۇگىن اۋرۋحانادان شىقتىم. ءوز تاراپىمنان مەنى قولداپ، كوڭىل بىلدىرگەن جەرلەستەرىمە، دوستارىما جانە تۋعان-تۋىستارىما العىس ايتامىن. ال اق حالاتتى ابزال جاندارعا العىسىم ەرەكشە. ولاردىڭ ەرلىككە تەڭەرلىك ەڭبەگى مەن ىسىنە دەگەن ادالدىعىنا ءتانتى بولدىم. ەندى جۇمىسقا كىرىسىپ، سىزدەرمەن بىرگە ىندەتپەن كۇرەستى جالعاستىرماقپىن. ءبىر جەڭنەن بىلەك شىعارىپ قانا وسى دەرتتىڭ بەتىن قايتارا الامىز. وزدەرىڭىزگە جانە جاقىندارىڭىزعا ساۋلىق تىلەيمىن»، - دەپ جازدى اماندىق باتتالوۆ Facebook-پاراقشاسىندا.
ەسكە سالا كەتسەك، 22- ماۋسىم كۇنى اماندىق باتالوۆتان كوروناۆيرۋس انىقتالعانى حابارلانعان ەدى.
كەيىن الەۋمەتتىك جەلىدە ءوڭىر باسشىسى تالدىقورعان قالاسىنداعى كوپسالالى اۋرۋحانانىڭ ءبىر بولىمىندە جالعىز جاتقاندىعى تۋرالى اقپارات تارادى. ءبىراق اكىمنىڭ باسپا ءسوز قىزمەتى مۇنى جوققا شىعاردى.
سونىمەن بىرگە ق ر دەنساۋلىق ساقتاۋ ۆيتسە-ءمينيسترى اجار عينيات كوروناۆيرۋس جۇقتىرىپ العان الماتى وبلىسىنىڭ اكىمى اماندىق باتالوۆتىڭ ەم الۋ ءۇشىن ەلورداداعى كارديوحيرۋرگيالىق ورتالىققا اۋىستىرىلۋ سەبەبىن تۇسىندىرگەن بولاتىن.