+7 (701) 759 90 19
29 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

استانادا قۇرىلىس قالدىقتارىن قايتا وڭدەيتىن كەشەن سالىنادى

13 شىلدە 10:12
:ءبولىسۋ
استانادا قۇرىلىس قالدىقتارىن قايتا وڭدەيتىن كەشەن سالىنادى

نۇر-سۇلتان. قازاقپارات - نۇر-سۇلتان قالاسىندا قوقىس قالدىقتارىن جينايتىن جانە ولاردى قايتا وڭدەيتىن الاڭ سالىنىپ جاتىر، دەپ حابارلايدى قازاقپارات.

«ەلوردانىڭ شەتكەرى ايماقتارىنا قۇرىلىستىق قوقىس زاڭسىز شىعارىلىپ جاتىر. بۇل، ەكولوگيانىڭ ناشارلاۋىنا جانە قوقىس تاستاۋعا رۇقسات ەتىلمەگەن ورىندار سانىنىڭ ارتۋىنا الىپ كەلەدى. وسىنداي فاكتىلەرگە جول بەرمەۋ ءۇشىن قالادا قۇرىلىس قالدىقتارىن جيناۋ جانە وڭدەۋ ءۇشىن الاڭ قۇرىلىسى باستالدى. سونىمەن بىرگە بۇل «سيەۆەرنايا گريادا» كارەرىن ودان ءارى قالپىنا كەلتىرۋگە مۇمكىندىك بەرەدى»، - دەپ جازدى ەلوردا اكىمى التاي كولگىنوۆ Instagram-پاراقشاسىندا.

قالا باسشىسىنىڭ ايتۋىنشا، بۇل، بىرنەشە ماڭىزدى مىندەتتى شەشۋگە مۇمكىندىك بەرەدى.

«بىرىنشىدەن، قۇرىلىس قالدىقتارىن جيناۋعا ارنالعان ءبىر عانا ورتالىقتاندىرىلعان ورىن بولادى. ەكىنشىدەن، الاڭدا كىرپىش، اسفالت، بەتون سياقتى قۇرىلىس قالدىقتارىن قايتا وڭدەۋگە ارنالعان ۇساقتاۋ كەشەنىن ورناتۋ جوسپارلانعان. بۇل، شيكىزاتتىڭ ءبىر بولىگىن قايتا پايدالانۋعا مۇمكىندىك بەرەدى. سونىمەن قاتار قالدىقتاردى كادەگە جاراتۋ پروتسەسىن جەڭىلدەتەدى. ۇشىنشىدەن، قايتا وڭدەلگەن قۇرىلىس قالدىقتارىن كارەردى قالپىنا كەلتىرۋ ءۇشىن دە پايدالانۋعا بولادى»، - دەدى ا. كولگىنوۆ.

ەسكە سالايىق، پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا ەلدى مەكەندەر ماڭىنداعى قوقىس ءۇيىندىسى ماسەلەسىن شەشۋدى تاپسىرعان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات