+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

س ءى م: تۇركيالىق قانداستار مەديتسينا جابدىقتارىن قازاقستانعا جىبەرە الماي جاتقانى شىندىققا جاناسپايدى

13 شىلدە 09:43
:ءبولىسۋ
س ءى م: تۇركيالىق قانداستار مەديتسينا جابدىقتارىن قازاقستانعا جىبەرە الماي جاتقانى شىندىققا جاناسپايدى

نۇر-سۇلتان. قازاقپارات - تۇركياداعى قازاق دياسپوراسى قاراجاتىنان الىنعان مەديتسينالىق بۇيىم مەن جابدىقتاردىڭ ەكى اپتادان بەرى قازاقستانعا جىبەرىلمەي جاتقاندىعى جونىندەگى اقپارات شىندىققا جاناسپايدى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

«الەۋمەتتىك جەلىلەردە تۇركياداعى قازاق دياسپوراسى قاراجاتىنان ساتىپ الىنعان مەديتسينالىق ماقساتتاعى بۇيىمدار مەن مەديتسينالىق جابدىقتاردىڭ ەكى اپتادان استام ۋاقىت ىشىندە قازاقستانعا جىبەرىلمەي جاتقاندىعى تۋرالى اقپارات شىندىققا جاناسپايدى. سونىمەن قاتار، ۇكىمەت بۇل جۇكتى قازاقستانعا جەتكىزۋگە كومەك كورسەتۋدى ادەيى سوزىپ وتىر دەگەن اقپارات نەگىزسىز. وسىعان وراي، قازاقستان رەسپۋبليكاسىنىڭ سىرتقى ىستەر مينيسترلىگى انكارا مەن ىستانبۇل قالالارىنان تۇركيا ۇكىمەتىنەن رەسمي گۋمانيتارلىق كومەكتى، تۇرىك قازاقتارى قاۋىمداستىعى (KATEAD) مەن قازاقستان ازاماتتارىنىڭ باستاماشىل توبى ساتىپ العان جۇكتى ەلىمىزگە جەتكىزۋدى پىسىقتاپ جاتقاندىعىن حابارلايمىز»، دەلىنگەن مينيسترلىكتىڭ Telegram-داعى پاراقشاسىندا.

بۇل جۇكتەردى جەتكىزۋدىڭ جالپى ۇيلەستىرۋ جۇمىستارىن قازاقستاننىڭ تۇركياداعى ەلشىلىگى جۇزەگە اسىرادى. سونداي-اق، وسى ىنتىماقتاستىق تۋرالى اقپاراتتى KATEAD سايتىندا جاريالادى.

«جۇكتەردى اۆياكومپانيامەن انكارا-الماتى باعىتى بويىنشا جەتكىزۋ اعىمداعى جىلدىڭ 14- شىلدەسىنە جوسپارلانعان. وسى رەتتە جالعان نەمەسە تەكسەرىلمەگەن اقپاراتتى تاراتپاۋدى سۇرايمىز»، دەلىنگەن حابارلامادا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات