مەديتسينالىق ساقتاندىرۋ قورىنا جاڭا باسشى تاعايىندالدى

نۇر-سۇلتان. قازاقپارات - بولات توكەجانوۆ مەديتسينالىق ساقتاندىرۋ قورىنىڭ باسشىسى بولىپ تاعايىندالدى، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

بولات تۇرعان ۇلى توكەجانوۆ ق ر دەنساۋلىق ساقتاۋ ءمينيسترىنىڭ بۇيرىعىمەن «الەۋمەتتىك مەديتسينالىق ساقتاندىرۋ قورى» ك ە ا ق باسقارما ءتوراعاسى بولىپ تاعايىندالدى. بۇگىن دەنساۋلىق ساقتاۋ ءمينيسترى الەكسەي سوي بولات توكەجانوۆتى قور ۇجىمىنا تانىستىردى.

«بولات تۇرعان ۇلى دەنساۋلىق ساقتاۋ جۇيەسىندە تاجىريبەسى مول، سالاداعى ەڭ ماڭىزدى رەفورمالاردى جۇزەگە اسىرۋعا تىكەلەي قاتىسقان، بارلىق پروبلەمانى ىشتەن جاقسى بىلەدى. بۇل وتە قۇندى تاجىريبە، ويتكەنى مەديتسينالىق ساقتاندىرۋ قورىنىڭ حالىققا ارنالعان مەديتسينالىق كومەكتى ستراتەگيالىق ساتىپ الۋشى رەتىندە جانە م ءا م س پەن ت م ك ك ك پاكەتىنىڭ قارجىلىق وپەراتورى رەتىندە ەرەكشە مارتەبەسى بار. بارلىق پروتسەستى - ساتىپ الۋ مەن مەديتسينالىق كومەكتى قاراجىلاندىرۋ ءىسىن اشىق جانە جۇيەلى جۇزەگە اسىرۋ كەرەك. ءقازىر ەلىمىزدىڭ دەنساۋلىق ساقتاۋ سالاسى قيىن كەزەڭدى باستان وتكىزىپ وتىر، بۇل رەتەت كوروناۆيرۋسقا قارسى كۇرەس شارالارىنىڭ شىعىنىن وتەۋدە ساقتاندىرۋ قورىنىڭ ءرولى وتە ماڭىزدى»، - دەدى مينيستر ا. سوي.

مينيستر بۇل تاعايىنداۋدىڭ ارتىندا ۇلكەن جاۋاپكەرشىلىك تۇرعانىن جانە مەملەكەت باسشىسى قويعان مىندەتتەردى قىسقا ۋاقىتتا ورىنداۋ قاجەتتىگىن دە اتاپ ءوتتى. بولات توكەجانوۆ 1972 -جىلى 19-شىلدەدە شىعىس قازاقستان وبلىسىندا دۇنيەگە كەلگەن. 1994 -جىلى قازاق مەملەكەتتىك باسقارۋ اكادەمياسىن «ەكونوميست» ماماندىعى بويىنشا بىتىرگەن. 2010 -جىلى ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىندە مەملەكەتتىك جانە جەرگىلىكتى باسقارۋ ماگيسترى دارەجەسىن الدى.

ا ق ش، سولتۇستىك كارولينا شتاتىنىڭ دارەم قالاسىنداعى ديۋك ۋنيۆەرسيتەتىنىڭ سەنفورد قوعامدىق ساياسات مەكتەبىندە، سونداي-اق، سينگاپۋرداعى لي كۋان يۋ اتىنداعى ۇلتتىق ۋنيۆەرسيتەتتىڭ مەملەكەتتىك ساياسات مەكتەبىندە وقىعان.

بولات توكەجانوۆ قازاقستاننىڭ سالىق قىزمەتى جۇيەسىندە جۇمىس تاجىريبەسى بار، شىعىس قازاقستان وبلىسىنداعى دەنساۋلىق ساقتاۋ ۇيىمدارىن باسقاردى. ق ر دەنساۋلىق ساقتاۋ مينيسترلىگىندە باسشىلىق قىزمەتتەردى اتقاردى. ق ر دەنساۋلىق ساقتاۋ مينيسترلىگىنىڭ ۆيتسە-ءمينيسترى، جاۋاپتى حاتشىسى بولىپ جۇمىس ىستەدى.

«قۇرمەت» وردەنىمەن ماراپاتتالعان، ق ر دەنساۋلىق ساقتاۋ ۇزدىگى. ۇيلەنگەن، ءۇش بالا تاربيەلەپ وتىر.

ەسكە سالا كەتسەك، مەملەكەت باسشىسى قاسىم- جومارت توقايەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا م ءا م س قورى مەن «س ق فارماتسيا» باسشىلارىن جۇمىستان شىعارۋدى تاپسىرعان بولاتىن. ق ر دەنساۋلىق ساقتاۋ ءمينيسترىنىڭ 2020 -جىلعى 10-شىلدەدەگى بۇيرىعىمەن بەرىلگەن ءوتىنىش نەگىزىندە «الەۋمەتتىك مەديتسينالىق ساقتاندىرۋ قورى» ك ە ا ق باسقارما ءتوراعاسى ايباتىر جۇماعۇلوۆ قىزمەتىنەن بوساتىلدى.