+7 (701) 759 90 19
12 °С : نۇر-سۇلتان
18 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

دارىگەر بولىپ قالا بەرەمىن - سوتتالعان حيرۋرگ تۇرمە اۋرۋحاناسىنا كومەكتەسۋدە

12 شىلدە 12:53
:ءبولىسۋ
دارىگەر بولىپ قالا بەرەمىن - سوتتالعان حيرۋرگ تۇرمە اۋرۋحاناسىنا كومەكتەسۋدە

پاۆلودار. قازاقپارات - تۇرمە اۋرۋحاناسىندا ءوزى قاتارلى سوتتالعان ازاماتتارعا كۇتىم كورسەتىپ جۇرگەن حيرۋرگ «مەن دارىگەرمىن ءارى دارىگەر بولىپ قالامىن» دەيدى.

58 جاستاعى بەرىك تۇرمەگە تۇسپەي تۇرىپ، ۇزاق جىل ءىرى قالالاردا حيرۋرگ بولىپ ەڭبەك ەتكەن، دەپ حابارلايدى قازاقپارات.

پاۆلودار وبلىستىق قىلمىستىق- اتقارۋ جۇيەسى بويىنشا دەپارتامەنتىنەن ءمالىم ەتكەندەي، بەرىك 7 جىلعا سوتتالعان. ءوزىنىڭ ايتۋىنشا، قىلمىسى مەديتسينالىق سالاعا قاتىستى ەمەس. تۇرمەدەن شىعۋ ءۇشىن ءالى بەس جىل جازاسىن وتەۋ كەرەك. جوعارى ءبىلىمدى الماتىدا «ەم-دوم ءىسى» ماماندىعى بويىنشا العان.

1990 -جىلى جوعارى وقۋ ورنىن اياقتاعاننان كەيىن الماتى مەن نۇر-سۇلتاندا حيرۋرگ بولىپ جۇمىس ىستەگەن. 2018 -جىلى ءىستى بولىپ، پاۆلودارداعى تۇزەتۋ مەكەمەسىنە جەتكىزىلگەن. ءوز ومىرىندە بەرىك سان رەت تاعدىرشەشتى وتالاردى جاساعان ەكەن. قانشاما ەرەسەكتى، بالالاردى امان الىپ قالعان.


پاۆلودارداعى 162/2 تۇزەتۋ مەكەمەسىندە ورتالىق سوماتيكالىق اۋرۋحانا بار. رەسپۋبليكانىڭ بارلىق وڭىرىنەن سوتتالعان ناۋقاستاردى ءدال وسىندا الىپ كەلەدى.

جارتى عاسىرلىق تاريحى بار اۋرۋحانادا دارىگەرلەر قانشاما ادامنىڭ جانىنا اراشا ءتۇستى. اۋرۋحاناعا قىزمەتكەرلەرى دە «ەرەكشە» ناۋقاستارىنا ابدەن ۇيرەنىسىپ العان.

پىكىر قالدىراتىن كىتاپتا سوتتالعان ازاماتتار مەن ولاردىڭ تۋىستارىنىڭ كوپتەگەن العىس پىكىرى بار. بەرىكتىڭ كاسىبي تۇرعىدا پايدا تيگىزۋگە بايلانىستى ۇسىنىسىنا مەكەمە اكىمشىلىگى بىردەن قولداۋ بىلدىرگەن. ول قازىر اۋرۋحانادا ناۋقاستاردى ەمدەيدى.


«كوپ جىلدىق تاجىريبەسى بار دارىگەر رەتىندە ەلدەگى احۋالعا الاڭدايمىن. سىرتتا مەنى ايەلىم، ەكى ۇلىم مەن نەمەرەم كۇتىپ وتىر. ولار ءۇشىن قاتتى قورقامىن. قازىر كارانتين بولعاننان كەيىن ولار مەنىمەن كورىسۋگە كەلە المايدى. الايدا، بۇل شەكتەۋ شاراسىن ءوز باسىم قولدايمىن. تاكسوفون ارقىلى ولارمەن سويلەسىپ وتىرامىن. البەتتە، ولاردى قاتتى ساعىندىم. ءبىراق، ەڭ الدىمەن، ءبارىمىز قازىر دەنساۋلىعىمىزدى ويلاۋىمىز كەرەك. وسى مەكەمەگە كەلگەننەن كەيىن اۋرۋحانا بارىن ءبىلدىم. تاجىريبەمدى ءبولىسىپ، پايدامدى تيگىزۋگە رۇقسات بەرگەن مەكەمە اكىمشىلىگىنە كوپ راحمەت. قازىر جەرگىلىكتى مەديتسينا قىزمەتكەرلەرىنە كومەكتەسىپ ءجۇرمىن. ناۋقاستاردىڭ دەنە قىزۋىن ولشەيمىن. اۋرۋ اتاۋلىعا ءبارىبىر - سوتتالعانسىڭ با، سوتتالماعانسىڭ با. كومەك قولىن سوزۋ ءۇشىن بەلگىلى ءبىر ورىندا وتىرۋ مىندەتتى ەمەس. مەن - دارىگەرمىن. قانداي جاعداي بولماسىن دارىگەر بولىپ قالا بەرەمىن»، - دەيدى بەرىك.

قازىرگى ۋاقىتتا تۇزەتۋ مەكەمەسىنە قاراستى اۋرۋحانادا ءار ايماقتان سوتتالعان 13 ناۋقاس ەمدەلىپ جاتىر. كوبى - وتادان كەيىن تۇسكەن پاتسيەنتتەر. ال مەكەمەنىڭ وزىندە 300 گە تارتا سوتتالعان ادام بار.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات