اتىراۋ وبلىسىنا دارىگەرلەر جىبەرىلىپ، ءدارى-دارمەك جەتكىزىلەدى - پرەزيدەنت

نۇر-سۇلتان. قازاقپارات – ق ر ۇكىمەتى اتىراۋ وبلىسىنا دارىگەرلەر جىبەرىپ، ءدارى- دارمەك جەتكىزەدى.

بۇل تۋرالى پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات. «اتىراۋ وبلىسىنداعى احۋال تۋرالى قوعام وكىلدەرىنىڭ شاعىمدارىمەن تانىستىم. پرەمەر-ءمينيستردىڭ ورىنباسارى باستاعان كوميسسيا ايماققا بارىپ قايتتى. ۇكىمەت وڭىرگە دارىگەرلەر جىبەرەدى، ءدارى- دارمەك جەتكىزىپ، كومەكتەسەدى»، - دەپ جازدى مەملەكەت باسشىسى قاسىم-جومارت توقايەۆ Twitter- دە.

ايتا كەتەيىك، اتىراۋ وبلىسى كوروناۆيرۋس ينفەكسياسىنا شالدىققان ناۋقاستار سانى بويىنشا ەلىمىزدە الدىڭعى ورىندا تۇر. وڭىردە بارلىعى 7393 ادام تىركەلدى، ونىڭ 4729 ى جازىلىپ شىقتى، قايتىس بولدى - 13 ناۋقاس. وسى رەتتە، ق ر پرەمەر-ءمينيسترىنىڭ ورىنباسارى ەرالى توعجانوۆ باستاعان دەلەگاتسيا اتىراۋ وڭىرىنە بارىپ، شۇعىل جيىن وتكىزدى. ۆيتسە-پرەمەر ءمالىم ەتكەندەي، وبلىس ءدارى- دارمەكپەن 94 پايىزعا قامتىلعان. كەڭەس بارىسىندا ەپيدەميولوگيالىق احۋالدى تۇراقتاندىرۋعا قاتىستى قولعا الىناتىن شارالار ايتىلدى. ال 11-شىلدە كۇنى ساعات 00.00 دەن باستاپ اتىراۋ وبلىسىندا كارانتين شارالارى كۇشەيتىلدى.