+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقپارات ح ا ا حالىقتىق باقىلاۋ باستاماسىنا اقپاراتتىق قولداۋ كورسەتەدى

11 شىلدە 20:39
:ءبولىسۋ
قازاقپارات ح ا ا حالىقتىق باقىلاۋ باستاماسىنا اقپاراتتىق قولداۋ كورسەتەدى

نۇر- سۇلتان. قازاقپارات - «قازاقپارات» حالىقارالىق اقپارات اگەنتتىگى پاندەميا كەزىندە مەديتسينالىق ۇيىمدارعا مونيتورينگ جۇرگىزۋ ءۇشىن قۇرىلعان حالىقتىق باقىلاۋ باستاماسىنا اقپاراتتىق قولداۋ كورسەتەتىن بولادى، دەپ حابارلايدى قازاقپارات ءتىلشىسى.

ەسكە سالا كەتسەك، بۇگىن اقپارات جانە قوعامدىق دامۋ ءمينيسترى ايدا بالايەۆانىڭ كەڭەسشىسى ليما دياس قازاقستاندىقتاردى حالىقتىق باقىلاۋ توبىنا قوسىلىپ، مەديتسينالىق ۇيىمدارعا مونيتورينگ جۇرگىزۋگە شاقىردى. ونىڭ ايتۋىنشا، قازىرگى تاڭدا وسىناۋ ۇرەيلى اۋرۋ ءورشىپ تۇرعان ۋاقىتتا حالىقتىڭ كۇشى ويانىپ كەلە جاتىر. ەلدەگى احۋالعا قوعامدىق باقىلاۋدىڭ ماڭىزى زور.

«سول سەبەپتى دارىگەرلەرگە ەڭ ءبىرىنشى كەزەكتە كومەكتەسۋ ءۇشىن قوعامدىق باقىلاۋ كەرەك. قازىرگى ۋاقىتتا ماڭىزدىسى: مونيتورينگ پەن باقىلاۋدىڭ ءتيىمدى مەحانيزمدەرىن دايارلاپ، قىسقا ۋاقىتتا بەلسەندىلەردى ۇيلەستىرۋ كەرەك، ب ا ق پەن مەملەكەتتىك ورگان بولىپ، ءبىر- بىرىمىزبەن ىقپالداسا جۇمىس جۇرگىزگەنىمىز دۇرىس. يدەيالارىڭىز نەمەسە ۇسىنىستارىڭىز بولسا، قوعامدىق باقىلاۋ توبىنا قوسىلعىڭىز كەلسە پىكىرگە ۇسىنىسىڭىزدى قالدىرىڭىز. بولماسا diaslimakz@gmail.com پوشتاسىنا حات جولداۋعا بولادى. بايلانىستامىن»، - دەيدى ول.

«قازاقپارات» ح ا ا ءوز تاراپىنان ق ر اقپارات جانە قوعامدىق دامۋ ءمينيسترى ايدا بالايەۆانىڭ تاپسىرماسىمەن، ۆولونتەر ايدا بوقايەۆا مەن دەنساۋلىق ساقتاۋ ءمينيسترى الەكسەي سويدىڭ باستاماسىمەن قولعا الىنعان حالىقتىق باقىلاۋ توبىنا اقپاراتتىق قولداۋ كورسەتۋگە دايىن ەكەنىن حابارلايدى.

ايتا كەتەرلىگى، بۇعان دەيىن ق ر دەنساۋلىق ساقتاۋ ءمينيسترى اۋرۋحانادا ەمدەلىپ جاتقان ناۋقاستارعا ءدارى- دارمەك جەتپەي جاتقانى تۋرالى الەۋمەتتىك جەلىدە تاراعان ۆيدەوعا قاتىستى جاۋاپ بەرگەن ەدى. مينيستر مەديتسينالىق ۇيىمداردىڭ جۇمىسىن قاداعالايتىن حالىقتىق باقىلاۋ قۇراتىنىن ايتقان.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات