قازاقستاندا بيىلعى وقۋ جىلىن باستاۋدىڭ ءۇش نۇسقاسى جاريالاندى

None
None
نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ ەلىمىزدە بيىلعى وقۋ جىلىنا قاتىستى ءۇش نۇسقانى جاريالادى، دەپ حابارلايدى قازاقپارات ءتىلشىسى.

«ءبىلىم جانە عىلىم مينيسترلىگىندە ەلدەگى ەپيدەميولوگيالىق جاعدايدى ەسكەرە وتىرىپ، ازىرلەگەن ءۇش نەگىزگى نۇسقاسى بار»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ ونلاين فورماتتاعى تىلشىلەرمەن كەزدەسۋىندە.

ءمينيستردىڭ ايتۋىنشا ءبىرىنشى نۇسقا - قاشىقتان وقىتۋ.

«بۇل نۇسقا تاڭدالعان جاعدايدا الىستاعى ەلدىمەكەندەردى ەسەپتەمەگەندە قالعانىنىڭ ءبارى قاشىقتان وقىتىلادى»، - دەدى ول. ەكىنشى نۇسقا - ىشتەي جانە قاشىقتان وقىتۋ.

«بۇل جاعدايدا شەكتەۋ بولۋى كەرەك: مەكتەپتە مىندەتتى تۇردە تەرمومەتريا، سانيتايزەرلەر بولۋى ءتيىس. الەۋمەتتىك قاشىقتىق ساقتالىپ، ساباقتار قىسقارتىلۋى كەرەك. ياعني كابينەتتىك جۇيەلەر الىنۋى ءتيىس»، - دەدى مينيستر. اسحات ايماعامبەتوۆ ءۇشىنشى نۇسقا - شتاتتىق رەجيمدە قاتاڭ سانيتارلىق شەكتەۋ شارالارى ساقتالا ساباقتى جالعاستىرۋ ەكەنىن جەتكىزدى.

«ياعني بالالار ىشتەي وقيدى دا، قوڭىراۋ، سىنىپتاردىڭ تولىمدىلىعى، اۋىسىم، كابينەتتىك جۇيەلەردى الۋدان باستاپ اسحاناعا بارۋعا دەيىنگى شەكتەۋ شارالارى كۇشىندە بولادى»، - دەدى مينيستر.

سوڭعى جاڭالىقتار