+7 (701) 759 90 19
14 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مەنى جاستاردىڭ بەيقامدىعى الاڭداتادى - الماتى اكىمى

11 شىلدە 10:00
:ءبولىسۋ
مەنى جاستاردىڭ بەيقامدىعى الاڭداتادى - الماتى اكىمى

الماتى. قازاقپارات - الماتى اكىمى باقىتجان ساعىنتايەۆ جاستاردى كارانتين رەجيمىن ساقتاۋعا شاقىردى، دەپ حابارلايدى قازاقپارات.

اكىمنىڭ ايتۋىنشا، قازىر قالادا ەكى اپتالىق كارانتين جالعاسۋدا.

«جالپى الماتى ەپيدەمياعا قارسى تۇرا الۋدا. مەديتسينالىق قىزمەتتىڭ جۇمىسى قاۋىرت. دەسە دە، بوساڭسۋعا بولمايدى. ينفەكتسيانى ەڭسەرىپ، قالانىڭ قالىپتى تىرشىلىگىن قالپىنا كەلتىرۋ ءۇشىن كوپ نارسە ىستەۋ كەرەك. قالا تۇرعىندارى سانيتارلىق نورمالاردى ساقتاپ، ىندەتپەن كۇرەسۋگە شىنداپ كىرىسكەنى قۋانتادى. الەۋمەت تانۋشىلاردىڭ مالىمەتى بويىنشا كوپتەگەن الماتىلىقتار ك ۆ ي-دان ساقتانۋدىڭ نەعۇرلىم «جەڭىل» ءتۇرىن قولدانۋدا ەكەن. ياعني، ساۋالناماعا قاتىسقان ءاربىر ادام «ۇنەمى قولىن جۋادى نەمەسە انتيسەپتيكتەردى پايدالانادى ەكەن» (%95,9). از، دەسە دە كوپشىلىگى قوعامدىق ورىنداردا ماسكا كيەدى (%82,8)»، - دەپ جازدى قالا اكىمى Facebook-تەگى پاراقشاسىندا.

«بۇل رەتتە مەنى، قالانىڭ اكىمى رەتىندە جاستاردىڭ بەيقامدىعى الاڭداتادى. 25 تەن 40 جاسقا دەيىنگى ءاربىر بەسىنشى جاس قالا تۇرعىنى نەمەسە رەسپوندەنتتەردىڭ %25 ى جۇقتىرۋ قاۋپىن سەزىنبەيدى نەمەسە مويىندامايدى. سوندىقتان جاستارعا جانە ورتا جاستاعى قالا تۇرعىندارىنا ايتارىم، جينالىڭدار! سانيتارلىق ەرەجە بارلىعىنا مىندەتتى. بۇل بەيقامدىق ءبىزدى ورعا جىعادى. جاقىندارىڭىز بەن قالانىڭ قاۋىپسىزدىگىنە قاۋىپ توندىرمەڭىزدەر. مەملەكەت باسشىسى ق. ك. توقايەۆتىڭ ايتۋىنشا، ىندەت - سوعىستىڭ ءبىر ءتۇرى. بۇل قاۋىپتى ىندەت بەيقامدىقتى كەشىرمەيدى. ءبىز بىرلەسسەك قانا بۇل دەرتتى جەڭە الامىز. ءبىزدىڭ باستى قارۋىمىز - تەمىردەي ءتارتىپ. ىندەتكە قارسى كۇرەستە ىنتىماعىمىز ۇزىلمەسىن»، دەپ تۇيىندەدى باقىتجان ساعىنتايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات