قاراعاندى - بالقاش تراسساسىن قايتا جاڭارتۋ جوباسىنا ءۇش مىڭنان استام جول جۇمىسشىلارى جۇمىلدىرىلدى
قۇرىلىس جۇمىستارىن «كازگەرستروي ب ك» جانە CITIC Construction Co.Ltd كومپانيالارى جۇرگىزەدى. قازىر تراسسانىڭ بارلىق ۋچاسكەلەرىندە قايتا جوندەۋ جۇمىستارى جۇرگىزىلىپ جاتىر. ماماندار جەر توسەمىن دايىنداۋدى جانە اسفالتبەتوندى جابىننىڭ تومەنگى جانە جوعارعى قاباتتارىنىڭ قۇرىلىسىن جۇزەگە اسىرۋدا.
«جوباعا سايكەس، اتالمىش جول ءتورت جولاقتى جول قوزعالىسى بار I- ب تەحنيكالىق ساناتىنا سايكەس كەلەدى. جولدىڭ كەڭەيۋى ۋچاسكەلەردەگى اپاتتىلىقتى ايتارلىقتاي تومەندەتەدى، سونداي- اق اۆتوكولىكتىڭ وتكىزۋ قابىلەتىن بىرنەشە ەسە ارتتىرادى. بۇدان باسقا، قايتا جاڭارتۋ 28 كوپىر مەن جول وتكەلىن، 377 سۋ وتكىزۋ قۇبىرىن، سونداي- اق ەلدى مەكەندەرگە جاقىن دەمالىس الاڭدارى مەن اۆتوپاۆيلونداردى سالۋدى كوزدەيدى»، - دەپ مالمدەدى ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى.
بۇگىنگى كۇنى مۇندا 1366 تەحنيكا جۇمىلدىرىلعان. ايتا كەتۋ كەرەك، قايتا قۇرۋ باستالعاننان بەرى جوبادا 3282 جۇمىس ورنى اشىلدى. جاڭا جابىندى جول بويىنشا كولىك قوزعالىسىن بيىلعى جىلدىڭ سوڭىنا دەيىن اشۋ جوسپارلانۋدا.
اۆتور: اگاتا مۋحامەدجانوۆا