+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

شىمكەنتتە كاسىپكەرلەر تويحانا مەن مەيرامحانانى پريۆوزورلىق ورتالىققا بەرۋگە دايىن

10 شىلدە 20:56
:ءبولىسۋ
شىمكەنتتە كاسىپكەرلەر تويحانا مەن مەيرامحانانى پريۆوزورلىق ورتالىققا بەرۋگە دايىن

شىمكەنت. قازاقپارات - شىمكەنت قالاسىنداعى مەيرامحانا مەن تويحانا يەلەرى ەپيدەميولوگيالىق جاعدايعا بايلانىستى مۇقتاجدىق بولسا عيماراتتارىن پروۆيزورلىق ورتالىققا اينالدىرۋعا دايىن ەكەندىگىن جەتكىزدى.

بۇل ۇسىنىستارىن ولار قالا اكىمى مۇرات ايتەنوۆپەن كەزدەسۋ كەزىندە ايتىپ ءوتتى، دەپ حابارلايدى قازاقپارات ءتىلشىسى.

قالاداعى بىرنەشە عيماراتتى ارالاپ شىققان مۇرات ايتەنوۆ كاسىپكەرلەرگە ازىرگە قوسىمشا پروۆيزورلىق ورتالىقتاردى اشۋدىڭ قاجەتتىلىگى جوق ەكەنىن اتاپ ءوتتى. ويتكەنى، بۇگىندە قالاداعى اۋرۋحانالار مەن ستاتسيونارلاردا مەديتسينالىق كومەككە مۇقتاج بارلىق ناۋقاستاردى جاتقىزۋ ءۇشىن جەتكىلىكتى ورىندار جەتكىلىكتى. الايدا، ىندەتتىڭ تارالۋى ءوسىپ، ناۋقاستار كوبەيگەن جايعايدا اكىمدىك مەيرامحانالاردى، تويحانالاردى پروۆيزورلى ستاتسيونار رەتىندە پايدالانۋعا بولاتىنىن ايتتى. قازىرگى تاڭدا قالاداعى ەپيدەميولوگيالىق جاعدايعا بايلانىستى دايىندىق جۇمىستارى جۇرگىزىلىپ جاتقانىن قالا باسشىسىنىڭ ءبىرىنشى ورىنباسارى ەربول سادىر باياندادى.

«كوروناۆيرۋس پەن پنيەۆمونياعا شالدىققان ناۋقاستاردى ەمدەۋگە 7 ميلليارد قارجى ءبولۋدى جوسپارلاپ وتىرمىز. ءبىرىنشى كەزەكتە، مەديتسينالىق مەكەمەلەردى ۇلكەن سۇرانىسقا يە ءدارى - دارمەكتەرمەن، ءو ج ج (ي ۆ ل) اپپاراتتارىمەن جانە كومپيۋتەرلىك توموگرافيامەن (ك ت) قامتاماسىز ەتۋ ماسەلەسى شەشىلەتىن بولادى»، - دەدى ەربول سادىر.

قالا اكىمىنىڭ ءبىرىنشى ورىنباسارى سونداي- اق، ساۋدا ورتالىقتارى مەن باسقا دا قالاداعى ءىرى نىسان يەلەرى تۇرعىندارعا ۋاقتىلى مەديتسينالىق كومەك كورسەتۋ ءۇشىن تەگىن كومەك كورسەتۋگە دايىن ەكەندىگىن اتاپ ءوتتى.

«ەگەر، كۇزدە ەپيدەميالىق جاعداي ناشارلاپ، ىندەتتىڭ ەكىنشى تولقىنى باستالاتىن بولسا، ءبىز سول جاعدايعا دايىن بولۋىمىز كەرەك. سوندىقتان قازىر كاسىپكەرلەردىڭ وزدەرى ۇسىنعان قالاداعى ءىرى عيماراتتاردى قاراستىرىپ جاتىرمىز. جاعداي كۇردەلەنەر بولسا، ءبىز شۇعىل پروۆيزورلىق ورتالىقتاردى ۇيىمداستىرۋعا دايىنبىز. بۇگىنگى تاڭدا ناۋقاستاردى ەمدەۋگە ارنالعان قوسىمشا 3000 ورىن دايىندادىق. جاقىن ارادا كاسىپكەرلەر ۇسىنعان عيماراتتاردان دا ءدال سولاي توسەك- ورىندار دايىنداماقپىز»، - دەيدى ەربول سادىر.

اۆتور: اينۇر اقبايەۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات