+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مۇحتار تايجان: پرەزيدەنتتىڭ جەرگە قاتىستى مالىمدەمەسى تاعدىرشەشتى ءسوز دەپ سانايمىن

10 شىلدە 20:05
:ءبولىسۋ
مۇحتار تايجان: پرەزيدەنتتىڭ جەرگە قاتىستى مالىمدەمەسى تاعدىرشەشتى ءسوز دەپ سانايمىن

نۇر- سۇلتان. قازاقپارات - ۇلتتىق قوعامدىق كەڭەستىڭ مۇشەسى، بەلگىلى قوعام بەلسەندىسى مۇحتار تايجان پرەزيدەنتتىڭ ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«جالپى العاندا ماعان پرەزيدەنتتىڭ بۇگىنگى ءسوزى ۇنادى. نيەتى، باعدارى دۇرىس. ءبىزدى تىڭداپ، وقىپ وتىرعانى بايقالادى. ارينە، ايتسە دە تىكەلەي ەفيردەن كورسەك جاقسى بولار ەدى. مەديتسينالىق- الەۋمەتتىك ساقتاندىرۋ قورى، «س ق- فارماتسيا»، جەرگىلىكتى ءوزىن- ءوزى باسقارۋ، جاڭا كادرلار، مەملەكەتتىك باسقارۋ جۇيەسى، ۇكىمەتتىڭ وتستاۆكاسى تۋرالى ايتقاندارىنىڭ بارلىعى دۇرىس. ءبىراق مەن ءۇشىن، جالعىز مەن عانا ەمەس، بارلىعىمىز ءۇشىن جەرگە قاتىستى مىنا مالىمدەمەسى تاعدىرشەشتى ءسوز دەپ سانايمىن: «جەر شەتەلدىكتەرگە ساتىلمايدى - بۇل ماسەلەگە ەندى ورالمايمىز. 2021 -جىلى موراتوري اياقتالعانشا بۇل ماسەلەنى تۇپكىلىكتى شەشۋ كەرەك»، دەپ مۇحتار تايجان Facebook پاراقشاسىندا پرەزيدەنتتىڭ ءسوزىن كەلتىردى.

مۇحتار تايجان ءوز تاراپىنان ۇلكەن مولشەردەگى جەر تەلىمدەرى، ياعني اۋىلشارۋاشىلىعى جەرلەرى جەكە مەنشىككە ەشكىمگە ساتىلماۋى كەرەكتىگىن جازعان.

«قازاقستان ازاماتتارىنا دا، شەتەلدىك ۇلەسى بار فيرمالارعا دا، تەك ارەنداعا بەرىلۋى ءتيىس. بۇنىڭ بارلىعى جاڭا زاڭدا رەتتەلۋى ءتيىس جاعداياتتار. جەر ماسەلەسىمەن 2016 -جىلدان بەرى اينالىسىپ جۇرگەن ازامات رەتىندە اتاپ وتكىم كەلەدى، ماسەلەنى كەزەڭ- كەزەڭمەن شەشۋ تاكتيكاسى ءوزىن اقتادى: الدىمەن 5 جىلدىق موراتوري جاريالادىق (ۋاقىتتان ۇتتىق)، ەندى ناقتى شەشىم قابىلدايمىز. جەر ماسەلەسى - ءىرى لاتيفۋنديستەردىڭ كوپتەگەن ميللياردتىق مۇددەلەرى بار وتە كۇردەلى ماسەلە. بارلىعىن بىردەن 2016 -جىلى شەشىپ تاستاۋ مۇمكىن ەمەس ەدى - ساياسي احۋال وعان جول بەرمەدى. ومىردە دە ءوزى مۇنداي جاعدايلار بولادى، ءبارى بىردەن ورناي سالمايدى. ءبىراق، ەڭ باستىسى - اقىرعى ناتيجە. مۇنىڭ بارلىعى حالىقتىڭ ءوزىنىڭ پاتريوتيزمى، بارلىعىمىزدىڭ قانعا سىڭگەن ءوز جەرىنە دەگەن ماحابباتىنىڭ ارقاسىندا مۇمكىن بولدى»، - دەيدى مۇحتار تايجان.

ەسكە سالا كەتسەك ۇكىمەتتىڭ كەڭەيتىلگەن بۇگىنگى وتىرىسىندا قازاقستان پرەزيدەنتى قاسىم- جومارت توقايەۆ جەر ماسەلەسىنە قاتىستى سويلەگەن ەدى. ونىڭ ايتۋىنشا وسى ۋاقىتقا دەيىن 12,8 ميلليون گەكتار يگەرىلمەگەن جەردىڭ 7 ميلليون گەكتارى مەملەكەتكە قايتارىلعان.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات