پنيەۆمونيا سيمپتومدارى: قاي كەزدە دابىل قاعۋ كەرەك

نۇر- سۇلتان. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە جوعارى ساناتتى پۋلمونولوگ، مەديتسينا عىلىمدارىنىڭ دوكتورى ناتاليا لاتىپوۆا پنيەۆمونيانى اجىراتۋ جولدارىن ايتتى، دەپ حابارلايدى قازاقپارات ءتىلشىسى.

«پنيەۆمونيا بەلگىلەرى بىردەن پايدا بولمايدى. رەسپيراتورلىق ءتۇرى كەم دەگەندە 5-7 كۇننەن كەيىن پايدا بولادى. قاراپايىم جوتەل، دەمىكپە، تىنىس الۋدىڭ تارىلۋى، ءوزىڭدى جايسىز سەزىنۋ جانە كەۋدە تۇسىنىڭ اۋىرۋى پنيەۆمونيانىڭ بەلگىسى بولۋى مۇمكىن. تىنىس الۋ جولدارىنىڭ زاقىمدانۋى وسى بەلگىلەردىڭ بىرتىندەپ ورشۋىنەن باستالادى»، - دەيدى ناتاليا لاتىپوۆا.

ونىڭ ايتۋىنشا، وسى بەلگىلەردىڭ پايدا بولۋى وكپەنىڭ قانشالىقتى زاقىمدانعانىنا بايلانىستى.

«ەگەر وسى بەلگىلەر ورشىمەسە، دەنە قىزۋىنىڭ كوتەرىلۋى ساقتالماسا، وسى بەلگىلەر 7 كۇننەن ارتىق بولماسا - ۋايىمداۋدىڭ قاجەتى جوق. بۇل انتيبيوتيك قابىلدايتىن نەمەسە كومپيۋتەرلىك توموگرافيا جاساۋعا سەبەپ ەمەس. ەگەر بۇل بەلگىلەر ۋاقىت وتكەن سايىن كۇشەيە باستاسا، دەنە قىزۋى تۇسپەي قويسا وكپەنى قاراتۋ كەرەك جانە ەمدەۋ ءادىسىن وزگەرتۋ كەرەك»، - دەيدى ول.