پرەزيدەنت: ۇكىمەتتى تۇتاس وتستاۆكاعا جىبەرۋ تۋرالى ماعان كەڭەس بەرىلدى - باس تارتتىم
«مەن اشىعىن ايتايىن: ۇكىمەتتىڭ كەڭەيتىلگەن وسى وتىرىسىنا دايىندىق بارىسىندا ماعان كەيبىر ايماقتاعى جانە ۆەدومستۆولارداعى ءبىرىنشى باسشىلاردى جۇمىستان بوساتۋدى، ءتىپتى بۇكىل ۇكىمەتتى وتستاۆكاعا جىبەرۋ تۋرالى كەڭەس بەرىلگەن بولاتىن. «قوعام بۇل ارەكەتىڭىزدى دۇرىس قابىلدايدى، ۇپاي جيناپ الاسىز» دەگەن وي ايتىلدى. ءبىراق ماعان قازىر ۇپاي دەگەننىڭ كەرەگى جوق. مەن جاۋاپتى ادامداردى تىڭداۋعا دايىنمىن. ءبىراق حالىقتىڭ الدىندا ويىن ۇيىمداستىرۋدى ءجون دەپ ەسەپتەمەيمىن. قازىر ونداي جاستا دا، جاعدايدا دا ەمەسپىن»، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.
پرەزيدەنت ءوز سوزىندە كەيبىر اكىمدەر مەن مينيسترلەر ەسكەرتۋ العانىن ايتتى. «جالپى مۇنداي جازاعا وبلىس بولسىن، مينيسترلىك بولسىن باسقا باسشىلار دا لايىقتى بولۋى مۇمكىن»، - دەدى مەملەكەت باسشىسى.