+7 (701) 759 90 19
14 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قاسىم- جومارت توقايەۆ بيلىككە جاڭا كادرلار كەرەكتىگىن ايتتى

10 شىلدە 16:46
:ءبولىسۋ
قاسىم- جومارت توقايەۆ بيلىككە جاڭا كادرلار كەرەكتىگىن ايتتى

نۇر- سۇلتان. قازاقپارات - قازىر ساپالى جاڭا مىندەتتەردى ورىنداۋ ءۇشىن كادرلاردى ىرىكتەۋ بارىنشا ماڭىزدى مىندەتكە اينالادى.

بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى اقوردا باسپا ءسوز قىزمەتىنىڭ Twitter- دەگى پاراقشاسىنا سىلتەمە جاساپ.

«قازىر ساپالى جاڭا مىندەتتەردى ورىنداۋ ءۇشىن كادرلاردى ىركتەۋ بارىنشا ماڭىزدى مىندەتكە اينالادى. جاڭا باعدار ءبىلىمدى، تاباندى، باستاماشىل، ىسكەر ءارى ادال جاڭا ورىنداۋشىلاردى كوزدەيدى»، - دەدى ق ر پرەزيدەنتى. وسى رەتتە مەملەكەت باسشىسى بۇگىنگى ۇكىمەت وتىرىسىنا قاتىسقاندار جوعارىدا اتالعان كريتەريلەرگە ساي كەلۋ- كەلمەۋىن ويلاۋى قاجەتتىگىن ايتتى.

«ەندى ويلانىڭىزدار: وسى جەردە وتىرعان كوماندا اتالعان كريتەريلەرگە ساي ما. ۇكىمەت مۇشەلەرى، اكىمدەر وزدەرىنىڭ مۇمكىندىكتەرىن پاراساتتى تۇردە باعالايدى دەپ ويلايمىن. دەگەنمەن، بىزدە ءوزىن- ءوزى سىناۋ جانە مەملەكەت پايداسى ءۇشىن شەشىم قابىلداۋ قيىنداۋ»، - دەدى قاسىم- جومارت توقايەۆ.

ايتا كەتەيىك، ۆيدەوبايلانىس ارقىلى ءوتىپ جاتقان جيىندا ۇكىمەت 2020 -جىلدىڭ العاشقى جارتى جىلدىعىنداعى ەلىمىزدىڭ الەۋمەتتىك- ەكونوميكالىق دامۋ قورىتىندىسى تۋرالى ەسەپ بەردى. سونداي- اق كوروناۆيرۋسقا قارسى كۇرەسكە قاتىستى قابىلدانعان شارالار، مەملەكەت باسشىسىنىڭ ۇكىمەتتىڭ الداعى ۋاقىتتا اتقاراتىن جۇمىسىنىڭ نەگىزگى باعىتتارى بويىنشا بەرگەن تاپسىرمالارى مەن مىندەتتەرى قاراستىرىلدى. ەلىمىزدىڭ الەۋمەتتىك- ەكونوميكالىق دامۋىنىڭ قورىتىندىلارى مەن جىل سوڭىنا دەيىن ورىندايتىن مىندەتتەر جونىندە پرەمەر- مينيستر اسقار مامين، اقشا- نەسيە ساياساتىنا قاتىستى شارالار تۋرالى ۇلتتىق بانكتىڭ ءتوراعاسى ەربولات دوسايەۆ، ەلىمىزدەگى ەپيدەميولوگيالىق احۋالدى جاقسارتۋ جونىندەگى شارالار تۋرالى دەنساۋلىق ساقتاۋ ءمينيسترى الەكسەي سوي بايانداما جاسادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات