توقايەۆ ءوزىنىڭ ەكىنشى جولداۋىندا قانداي ماسەلە قامتىلاتىنىن ايتتى

None
None
نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ ءوزىنىڭ ەكىنشى جولداۋىندا ەكونوميكالىق سەرپىنگە باستايتىن جاڭا شارالاردى ۇسىناتىنىن ءمالىم ەتتى، دەپ حابارلايدى قازاقپارات.

«بۇگىن ءبىز پاندەميا كەزىندە ەكونوميكامىزدى دامۋ جولىنا شىعاراتىن ماڭىزدى ءارى وسى كەزەڭ ءۇشىن شۇعىل ماسەلەلەردى قاراستىردىق. دەگەنمەن، ءوزىمنىڭ ەكىنشى جولداۋىمدا ەكونوميكالىق سەرپىنگە باستايتىن جاڭا شارالاردى ۇسىناتىن بولامىن»، - دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.

سونىمەن بىرگە، پرەزيدەنت قازىرگى داعدارىستىڭ شيكىزاتتىق سيپاتتا ەكونوميكامىزعا قاۋىپتى ەكەنىن جانە ونىڭ بارلىق اتريبۋتتارى كورسەتىلگەن جاڭا باعىت كەرەكتىگىن ايتتى.

ەسكە سالا كەتسەك، قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى بەينەبايلانىس جۇيەسى ارقىلى ءوتتى. جيىندا ۇكىمەت 2020 -جىلدىڭ العاشقى جارتى جىلدىعىنداعى ەلىمىزدىڭ الەۋمەتتىك- ەكونوميكالىق دامۋ قورىتىندىسى تۋرالى ەسەپ بەردى. سونداي-اق كوروناۆيرۋسقا قارسى كۇرەسكە قاتىستى قابىلدانعان شارالار، مەملەكەت باسشىسىنىڭ ۇكىمەتتىڭ الداعى ۋاقىتتا اتقاراتىن جۇمىسىنىڭ نەگىزگى باعىتتارى بويىنشا بەرگەن تاپسىرمالارى مەن مىندەتتەرى قاراستىرىلدى.

سوڭعى جاڭالىقتار