قاسىم-جومارت توقايەۆ: اكىمدەر مەن مينيسترلەردىڭ ءبارى دە جازاعا لايىق

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ بيۋدجەتكە، ەكونوميكا مەن ازاماتتاردىڭ قاۋىپسىزدىگىنە شىنايى زيان تيگىزەتىن زاڭبۇزۋشىلىقتارعا باسا نازار اۋدارۋ كەرەكتىگىن ەسكە سالدى، دەپ حابارلايدى قازاقپارات ءتىلشىسى.

«قازىرگى جاعداي قۇقىق قورعاۋ ورگاندارى تاراپىنان ناقتى شەشىمدەر مەن ارەكەتتى تالاپ ەتەدى. وسىناۋ كۇردەلى كەزەڭدە بيۋدجەتكە، ەكونوميكا مەن ازاماتتاردىڭ قاۋىپسىزدىگىنە شىنايى زيان تيگىزەتىن زاڭبۇزۋشىلىقتارعا باسا نازار اۋدارۋ كەرەك»، - دەدى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا.

پرەزيدەنت سونىمەن بىرگە كەيبىر اكىم ەسكەرتۋ مەن قاتاڭ ەسكەرتۋ العانىن ەسكە سالدى.

«جالپى بۇكىل اكىمدەر مەن مينيسترلەر وسىنداي جازاعا لايىق. الايدا قازىر ءبىز الەۋمەتتىك- ەكونوميكالىق دامۋدىڭ سىني كەزەڭىندە تۇرمىز. ۇكىمەت پەن اكىمدەرگە داعدارىستان شىعۋ ءۇشىن ويلى دا باتىل ارەكەت كەرەك. سەبەبى داعدارىس ۋشىعاتىن سەكىلدى. بۇل - الەمدىك ەكونوميكانىڭ بولجامى. ال قازاقستان ونىڭ ءبىر بولىگى»، - دەدى ول.

سوڭعى جاڭالىقتار