پرەزيدەنت: جەر شەتەلدىكتەرگە ساتىلمايدى - بۇل ماسەلەگە ەندى ورالمايمىز

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ وسى ۋاقىتقا دەيىن 12,8 ميلليون گەكتار يگەرىلمەگەن جەردىڭ 7 ميلليون گەكتارى مەملەكەتكە قايتارىلعانىن ءمالىم ەتتى، دەپ حابارلايدى قازاقپارات ءتىلشىسى.

«يگەرىلمەگەن جانە ءتيىمسىز يگەرىلگەن جەرلەردى انىقتاپ، ونى الىپ قويۋ ماقساتىمەن عارىشتان مونيتورينگ جاساۋدى زاڭنامالىق تۇرعىدان بەكىتتىك. تۇگەندەۋ بارىسىندا انىقتالعان 12,8 ميلليون گەكتار يگەرىلمەگەن جەردىڭ 7 ميلليون گەكتارى مەملەكەتكە قايتارىلدى. جەردى الدىڭ با، ونى يگەرۋ كەرەك»، - دەدى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا.

قاسىم-جومارت توقايەۆ 2021 -جىلى جەر كودەكسىنىڭ جەكەلەگەن نورمالارىنا جاريالانعان موراتوري اياقتالاتىنىن ايتتى.

«وسىعان بايلانىستى بۇل ماسەلە جونىندە تۇپكىلىكتى شەشىم قابىلداۋىمىز كەرەك. نەگىزگى ماسەلەنى ايقىنداپ الدىق. جەر شەتەلدىكتەرگە ساتىلمايدى. بۇل ماسەلەگە ەندى ورالمايمىز»، - دەدى ول.

اۆتور: ايان بەكەن ۇلى

سوڭعى جاڭالىقتار