قاسىم-جومارت توقايەۆ: ەلىمىزدە قوعامدىق ءتارتىپ ەداۋىر اقساپ تۇر

None
None
نۇر-سۇلتان. قازاقپارات - پوليتسيا جانە سانيتارلىق دارىگەرلەر كارانتين رەجيمىنىڭ قاتاڭ ساقتالۋىن قامتاماسىز ەتۋى كەرەك.

بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى اقوردا باسپا ءسوز قىزمەتىنىڭ Twitter- دەگى پاراقشاسىنا سىلتەمە جاساپ.

«ىندەتكە قارسى كۇرەس كارانتين شارالارى قاتاڭ ساقتالعان كەزدە عانا ناتيجەلى بولادى. مۇنى شەتەلدىڭ تاجىريبەسىنەن كورىپ وتىرمىز. ال ءبىزدىڭ ەلىمىزدە قوعامدىق ءتارتىپ ەداۋىر اقساپ تۇر. پوليتسيا جانە سانيتارلىق دارىگەرلەر كارانتين رەجيمىنىڭ قاتاڭ ساقتالۋىن قامتاماسىز ەتۋى كەرەك»، - دەدى مەملەكەت باسشىسى.

قازاقستان پرەزيدەنتى بۇل، حالىقتىڭ دەنساۋلىعى مەن ازاماتتارىمىزدىڭ قاۋىپسىزدىگى ءۇشىن اسا قاجەت ەكەندىگىن باسا ايتتى.

«كارانتين رەجيمىن بۇزعاندار جاۋاپقا تارتىلادى. سەبەبى ولار تەك ءوزىنىڭ عانا ەمەس، وزگەلەردىڭ دە دەنساۋلىعىنا قاۋىپ توندىرەدى. سالعىرتتىققا، بەيقامدىققا جول بەرمەۋ كەرەك»، - دەدى قاسىم-جومارت توقايەۆ.

ايتا كەتەيىك، ۆيدەو بايلانىس ارقىلى ءوتىپ جاتقان جيىندا ۇكىمەت 2020 -جىلدىڭ العاشقى جارتى جىلدىعىنداعى ەلىمىزدىڭ الەۋمەتتىك- ەكونوميكالىق دامۋ قورىتىندىسى تۋرالى ەسەپ بەردى. سونداي-اق كوروناۆيرۋسقا قارسى كۇرەسكە قاتىستى قابىلدانعان شارالار، مەملەكەت باسشىسىنىڭ ۇكىمەتتىڭ الداعى ۋاقىتتا اتقاراتىن جۇمىسىنىڭ نەگىزگى باعىتتارى بويىنشا بەرگەن تاپسىرمالارى مەن مىندەتتەرى قاراستىرىلدى. ەلىمىزدىڭ الەۋمەتتىك- ەكونوميكالىق دامۋىنىڭ قورىتىندىلارى مەن جىل سوڭىنا دەيىن ورىندايتىن مىندەتتەر جونىندە پرەمەر- مينيستر اسقار مامين، اقشا-نەسيە ساياساتىنا قاتىستى شارالار تۋرالى ۇلتتىق بانكتىڭ ءتوراعاسى ەربولات دوسايەۆ، ەلىمىزدەگى ەپيدەميولوگيالىق احۋالدى جاقسارتۋ جونىندەگى شارالار تۋرالى دەنساۋلىق ساقتاۋ ءمينيسترى الەكسەي سوي بايانداما جاسادى.


سوڭعى جاڭالىقتار