پرەزيدەنت: جاڭا كارانتيندىك شارالار ەكونوميكاداعى احۋالدى كۇردەلەندىرىپ جىبەرۋى مۇمكىن

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ داعدارىسقا قارسى كۇرەسەرلىك قازاقستانعا قاراجات بارىن جاريا ەتتى، دەپ حابارلايدى قازاقپارات ءتىلشىسى.

«ءبىرىنشى كەزەكتە داعدارىسقا قارسى شەشىمدەردىڭ ءتيىمدى جۇزەگە اسىرىلۋىن قامتاماسىز ەتۋ كەرەك. جاڭا كارانتيندىك شارالاردى ەنگىزۋ - ەكونوميكاداعى احۋالدى كۇردەلەندىرىپ جىبەرۋى مۇمكىن ەكەنىن ەسكەرۋ كەرەك. ۇكىمەتتە ءتيىستى جۇمىس جوسپارى بولۋى ءتيىس»، - دەدى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا.

مەملەكەت باسشىسىنىڭ ايتۋىنشا داعدارىسقا قارسى كۇرەسەرلىك قازاقستاندا قاراجات بار. «ءتيىستى زاڭنامالار قابىلداندى. سول سەبەپتى وڭدەۋ ونەركاسىبىنىڭ كولەمىن، قۇرىلىس جۇمىستارى مەن ينۆەستيتسيا كولەمىن تومەندەتۋدىڭ نەگىزى جوق دەپ ەسەپتەيمىن. ۇكىمەت جاعدايدى رەتكە كەلتىرۋى كەرەك»، - دەدى ول.

اۆتور: ايان بەكەن ۇلى


سوڭعى جاڭالىقتار