نۇر-سۇلتاندا مەديتسينالىق ماسكا شىعاراتىن كاسىپورىن اشىلدى
نۇر-سۇلتان قالاسىندا مەديتسينالىق بەتپەردە شىعارۋمەن اينالىساتىن «Bioniсk-Pro» ءوندىرىس وشاعى اشىلدى. ونەركاسىپتىڭ اشىلعانىنا نەبارى ەكى اپتا بولسا دا، وسى كۇنگە دەيىن 1 ميلليوننان استام بەتپەردە شىعارىلعان. ءوندىرىس ورنىنىڭ ديرەكتورى ارون قادىروۆتىڭ ايتۋىنشا، ونەركاسىپ تاۋلىگىنە 180 مىڭ دانا بەتپەردە شىعارا الادى. قازىرگى تاڭدا سۇرانىسقا سايكەس، تاۋلىگىنە 80 مىڭنان 120 مىڭعا دەيىن مەديتسينالىق بەتپەردە وندىرىلۋدە. ولار قالانىڭ ءدارىحانالارى مەن ەمحانالارىنا جەتكىزەدى.
«بەتپەردە ءوندىرىسى اۆتوماتتاندىرىلعان جانە جارتىلاي اۆتوماتتاندىرىلعان ەكى ستانوك ارقىلى جۇرگىزىلەدى. ءبىرىنشى ستانوك ءۇش ماتانى بىرىكتىرىپ، ۇتىكتەپ، ءۇش رەت بۇكتەپ، جيەكتەرىنە تىگىس سالادى. كەلەسى ستانوكتا بەتپەردەلەر ارنايى ولشەممەن كەسىلىپ، قۇلاققا تاعاتىن رەزەڭكەسى جەلىمدەلەدى. ودان كەيىن ماماندار بەتپەردەلەردى تەكسەرىپ، ساناپ، ارنايى قاپتامالارعا 50 دانادان سالىپ وتىرادى»، - دەلىنگەن مينيسترلىك اقپاراتىندا.
بەتپەردە وندىرىسىنە ارنالعان ماتالار مەن رەزەڭكەلەر تۇركيا مەن يراننان جەتكىزىلەدى. ال ستانوكتار قىتايدان ساتىپ الىندى. ونەركاسىپ وشاعىنىڭ ماماندارى شانحاي جانە گۋانجوۋ قالالارىنا بارىپ، وسى ستانوكتاردا جۇمىس ىستەۋدى ارنايى ۇيرەنىپ كەلدى.
«ماسكالار ارنايى سۋ وتكىزبەيتىن، ساپا باقىلاۋىنان وتكەن ماتالاردان جاسالادى جانە مىندەتتى تۇردە ءۇش قاباتتى بولادى. ايتا كەتۋ كەرەك، ماقتالى، توقىما ماتالاردان تىگىلگەن ماسكالاردىڭ قورعانىش دەڭگەيى تومەن بولادى. جانە مۇنداي ماسكالار سۋلانادى دا، ميكروب جينايدى. سوندىقتان، ارنايى سپانبوند، مەلتبلاۋن دەپ اتالاتىن ماتالاردان دايىندالاتىن ماسكالاردى پايدالانۋ كەرەك. ءبىزدىڭ ءۇشقاباتتى ماسكالار وسىنداي ماتالاردان تىگىلەدى جانە %92 سىرتقى كۇشتەردەن تىنىس الۋ جولدارىن قورعاي الادى»، - دەيدى ونەركاسىپ ديرەكتورى.
ءوندىرىس ورنى جاقىندا بالالارعا ارنالعان بەتپەردەلەر شىعارا باستايدى.
سونىمەن قاتار قولدانىلعان بەتپەردەلەردى جويۋ جوباسى دايىندالىپ جاتىر. ءوندىرىس كولەمىن ۇلعايتۋ ءۇشىن FFP2/FFPP3/KN95 رەسپيراتورلارىنىڭ قوسىمشا جەلىلەرىن جەتكىزۋگە كەلىسىمشارتتار جاسالدى.
