الماتى وبلىسىنىڭ باس مەملەكەتتىك سانيتارلىق دارىگەرى پنيەۆمونيادان كوز جۇمدى

تالدىقورعان. قازاقپارات - بۇگىن الماتى وبلىسىنىڭ باس مەملەكەتتىك سانيتارلىق دارىگەرى قايرات بايمۇحامبەتوۆ دۇنيەدەن ءوتتى، دەپ حابارلايدى قازاقپارات ءتىلشىسى.

قايعىلى جاعدايدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل راستادى.

«بۇگىن قايرات قاجىمان ۇلىنان ايىرىلىپ قالدىق (...) پنيەۆمونيا»، - دەدى ع. جۇكەل.

الماتى وبلىسىنىڭ اكىمى اماندىق باتالوۆ مارقۇمنىڭ جاقىندارىنا كوڭىل ايتتى.

«قايرات قاجىمان ۇلىنىڭ تۋعان-تۋىس جاقىندارىنا قايعىرىپ كوڭىل ايتامىن. ول گيپپوكرات انتىنا بەرىك بولىپ، ىندەتپەن كۇرەس كەزىندە كوز جۇمدى»، - دەپ جازدى ا. باتالوۆ فەيسبۋكتەگى پاراقشاسىندا.

قايرات بايمۇحامبەتوۆ 1964-جىلى شىعىس قازاقستان وبلىسىندا دۇنيەگە كەلگەن.

2019-جىلدىڭ 23- مامىرىنان باستاپ الماتى وبلىسىنىڭ باس مەملەكەتتىك سانيتارلىق دارىگەرى قىزمەتىن اتقارادى. ءۇش بالانىڭ اكەسى.