عالىمدار اۋانى كوروناۆيرۋستان تازارتاتىن سۇزگى ويلاپ تاپتى
ۆيرۋستىڭ اۋا جەلدەتۋ جۇيەسى ارقىلى تارالۋى پاندەميامەن كۇرەستە ۇلكەن قيىندىق تۋعىزىپ جاتىر.
كوروناۆيرۋس 70 گرادۋستان جوعارى تەمپەراتۋراعا توتەپ بەرە المايدى. سۇزگى اۆتورلارى وسىنى نەگىزگە الا وتىرىپ، 200 گرادۋسقا دەيىن قىزدىرىلاتىن نيكەل-كوبىكتەن سۇزگى قۇراستىرعان. مۇنداي سۇزگىدەن وتەتىن اۋا ۆيرۋستان جىلدام تازارادى.
گالۆەستون ۇلتتىق زەرتحاناسىندا جۇرگىزىلگەن ەكسپەريمەنتتەر سۇزگىدەن وتكەن اۋاداعى ۆيرۋستىڭ %99,8 استامى جويىلعاندىعى دالەلدەنگەن.
عالىمداردىڭ پىكىرىنشە، بۇل تەك كوروناۆيرۋستان عانا ەمەس، اۋاداعى باسقا دا ۆيرۋستاردان ارىلۋدىڭ ءتيىمدى ءتاسىلى.
زەرتتەۋ اۆتورلارىنىڭ ءبىرى پروفەسسور دجيفەنگ رەن جاڭا سۇزگىنى ۇشاقتا، پويىزدا، اۋەجاي مەن ۆوكزالدا، كرۋيزدىك لاينەردە، كەڭسە جانە مەكتەپتە قولدانۋعا بولاتىندىعىن ايتتى.
ايتا كەتەيىك، بۇعان دەيىن دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ اۋاداعى اەروزولدىك بولشەكتەر ارقىلى تارالۋى مۇمكىن ەكەنىن ايتقان ەدى.
«قوعامدىق ورىنداردا - اسىرەسە وتە ەرەكشە جاعدايلاردا، ادام تولى، جابىق، ناشار جەلدەتىلەتىن جەرلەردە اۋا ارقىلى بەرۋ مۇمكىندىگىن جوققا شىعارۋعا بولمايدى. دەگەنمەن، دالەلدەردى جيناۋ جانە ءتۇسىندىرۋ قاجەت جانە ءبىز مۇنى جالعاستىرامىز»، - دەگەن ەدى د د ۇ ينفەكتسيالاردىڭ الدىن الۋ جونىندەگى تەحنيكالىق باسشىسى بەنەدەتتا اللەگرەنتسي.