19:22, 09 - شىلدە 2020 | GMT +6
اقتوبە جول- كولىك اپاتىنان ەكى ادام كوز جۇمدى
اقتوبە. قازاقپارات - اقتوبەدە جول- كولىك اپاتىنان ەكى جولاۋشى كوز جۇمدى، دەپ حابارلايدى قازاقپارات ءتىلشىسى.
«قارابۇتاق- قوستاناي» تاس جولىندا جول- كولىك وقيعاسى بولدى. «فولكسۆاگەن- پاسسات» كولىگىنىڭ 42 جاستاعى جۇرگىزۋشىسى رۋلگە يە بولا الماي، تاسجولدان شىعىپ كەتتى. سالدارىنان جۇرگىزۋشى جاراقات الىپ، كولىك ىشىندەگى تۋعان اپاسى اۋرۋحاناعا بارار جولدا كوز جۇمدى. ساراپتاما كەزىندە جۇرگىزۋشىنىڭ ىشىمدىك ىشپەگەنى انىقتالدى.
«ويىل- قوبدا« تاسجولىندا 27 جاستاعى جۇرگىزۋشى رۋلگە يە بولا الماي، كولىك اۋدارىلدى. جۇرگىزۋشى مەن ءۇش جولاۋشى قوبدا اۋدانىنىڭ ورتالىق اۋداندىق اۋرۋحاناسىنا جەتكىزىلدى. كوپ ۇزاماي جاراقات العان ويىل اۋدانىنىڭ تۋماسى ەمدەۋ مەكەمەسىندە كوز جۇمدى. تەرگەۋ جۇرگىزىلۋدە»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.