+7 (701) 759 90 19
6 °С : نۇر-سۇلتان
4 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

كوروناۆيرۋستى ەمدەۋگە ارنالعان ءدارى- دارمەكتەر جايلى نەنى ءبىلۋىمىز كەرەك

9 شىلدە 18:47
:ءبولىسۋ
كوروناۆيرۋستى ەمدەۋگە ارنالعان ءدارى- دارمەكتەر جايلى نەنى ءبىلۋىمىز كەرەك

نۇر-سۇلتان. قازاقپارات - COVID-19 ەمدەۋگە ارنالعان ءدارى- دارمەكتەر تۋرالى ماڭىزدى اقپاراتتى ۇسىنامىز.

كەز كەلگەن پرەپاراتتىڭ كەرى جانە جاناما اسەرى بولادى. الايدا، ادامدار ءتۇرلى تابلەتكا ىشەر كەزدە نەمەسە انتيبيوتيك سالدىرار الدىندا بۇل ماسەلە توڭىرەگىندە كوپ ويلانا بەرمەيدى. ءبىز ناۋقاستار ەڭ كوپ قولداناتىن پرەپاراتتاردى قاراپ شىعىپ، ولاردىڭ پايداسى مەن زيانىن تۇسىنۋگە تىرىستىق. كەز كەلگەن دارىلىك پرەپاراتتى ناۋقاستىڭ دەنساۋلىعىنا، ونىڭ سيمپتومدارىنا بايلانىستى جانە انامنەزىندەگى گيپەرتونيانى، قانت ديابەتى نەمەسە جۇرەك- قان تامىرلارىنىڭ پاتولوگياسى سىندى قاۋىپتى فاكتورلاردى ەسكەرە وتىرىپ، دارىگەر عانا جازىپ بەرۋى كەرەك. ەگەر ءسىز وزىڭىزگە ءوزىڭىز دارىگەر بولساڭىز جانە قوراپتى اشقاندا، ءتىپتى نۇسقاۋلىعىن وقىمايتىن بولساڭىز، وندا مىنا اقپاراتتى بىلگەنىڭىز دۇرىس.

قىزۋدى تۇسىرەتىن دارىلەر

مەملەكەتتىك دارىلىك زاتتار تىزىمىندە حالىقارالىق پاتەنتى جوق پاراتسەتامول جانە قۇرامىندا پاراتسەتامول بار تابلەتكا، سۋسپەنزيا، سۋپپوزيتوري، وتاندىق جانە شەتەلدىك زاۋىتتار وندىرگەن ۇنتاق سىندى 86 پرەپاراتتىڭ اتاۋى تىركەلگەن. تاڭداۋ كوپ. بۇل جەردە ءسىز قانداي شەشىم قابىلدايسىز، مىنە، سول ماڭىزدى. مىسالى، ءبارىمىز ءجيى قولدانتىن پاراتسەتامول وتە ۋلى، اسىرەسە، باۋىر مەن بۇيرەككە زيان. ونى باقىلاۋسىز جانە نەگىزسىز ىشكەندە اللەرگيالىق اۋرۋلار مەن برونح دەمىكپەسى كۇشەيۋى مۇمكىن. 15 جاسقا تولماعان بالالارعا بەرۋگە تىيىم سالىنعان ءاسپيريننىڭ سالدارىنان ىشەكتەن قان كەتۋى مۇمكىن. ەگەر بۇل پرەپارات تۇماۋ نەمەسە قىزىلشاعا قارسى قابىلدانسا، رەيا سيندرومى نەمەسە سوڭى ولىممەن اياقتالاتىن باۋىر اۋرۋى ءورشۋى مۇمكىن. ال انالگين قان جاسۋشالارىنىڭ ءتۇزىلۋىن بۇزادى جانە ىشكى قان كەتۋ، اۋىر اللەرگيالىق رەاكتسيالاردى تۋدىرۋى مۇمكىن.

يبۋپروفەن - قىزۋدى تۇسىرەتىن دارىلەردىڭ اراسىنداعى ەڭ قاۋىپسىزى، ءبىراق جۇرەكتى اينىتىپ، قۇستىراتىن گاستروپاتيكالىق اسەرى دە بار. بۇل پرەپارات باقىلاۋسىز قابىلداعان جاعدايدا سوزىلمالى گاستريت، اسقازان مەن ون ەكى ەلى ىشەكتىڭ ويىق جاراسى ءورشىپ، قان كەتۋ، برونحتىڭ ءتۇيىلۋى، اعزاداعى سۇيىقتىقتىڭ كەشىگۋى، كورۋ قابىلەتىنىڭ بۇزىلۋى مۇمكىن. ونى پاراتسەتامولمەن بىرگە ىشۋگە بولمايدى.

قازاقستانداعى كوروناۆيرۋس ينفەكتسياسىن ەمدەۋگە ارنالعان كلينيكالىق حاتتامادا قىزۋدى تومەندەتەتىن وسى ەكى پرەپارات ۇسىنىلدى، ءبىراق شەكتەۋلى دوزادا جانە تەمپەراتۋرا 38 گرادۋستان جوعارى بولعاندا عانا. پاراتسەتامولدىڭ دوزاسى 500 گ نەمەسە يبۋپروفەن 200-400 م گ، ءبىراق تاۋلىگىنە 4 تابلەتكادان ارتىق ەمەس. سونىمەن قاتار بەزگەكتىڭ جۇقپالى- قابىنۋ پروتسەسىنە اعزانىڭ قورعانىش رەاكتسياسى ەكەنىن ەسكەرگەنىڭىز ءجون. تەمپەراتۋرا جوعارىلاعاندا ينفەكتسيا قوزدىرعىشتارى باياۋ كوبەيەدى، ال يممۋندىق جۇيەنىڭ بەلسەندىلىگى ارتادى - يممۋنوگلوبۋلين مەن ينتەرفەرون پايدا بولادى. سوندىقتان تەمپەراتۋرانى ۇنەمى تومەندەتپەۋ كەرەك. 38 گرادۋسقا دەيىنگى قىزۋ، كەرىسىنشە، اعزاعا قارسى كۇرەسۋگە كومەكتەسەدى.

ۆيرۋسقا قارسى پرەپاراتتار دەنساۋلىق ساقتاۋ مينيسترلىگى ۆيرۋسقا قارسى سيپاتتاعى 29 پرەپاراتتىڭ ىشىندە جرۆي مەن كەشەندى جرۆي- ءدى ەمدەۋگە ارنالعان 23 دارىلىك زاتتى عانا ۇسىنادى. ولاردىڭ اراسىندا ارپەفليۋ، رەمانتادين، ەرگوفەرون، ينگاۆيرين، اربيدول جانە كاگوتسەل بار. بىرىنشىدەن، COVID-19 ەمدەيتىندەي ولاردىڭ تيىمدىلىگى دالەلدەنبەگەن جانە كلينيكالىق حاتتامادا امبۋلاتوريالىق جاعدايدا ۆيرۋسقا قارسى پرەپاراتتار قابىلداۋ تۋرالى ەشتەڭە ايتىلماعان. ەكىنشىدەن، يممۋنيتەت وسى پرەپاراتتاردىڭ كومەگىمەن جاساندى تۇردە ساقتالادى جانە ادام ولاردى توقتاتقاننان كەيىن اعزا تولىعىمەن قورعالماعان، ياعني اۋرۋدىڭ قايتالانۋ قاۋپى بىرنەشە ەسە ارتادى. انتيبيوتيكتەر ۆيرۋسقا قارسى پرەپاراتتارمەن قاتار انتيبيوتيك تە كوپ قولدانىلۋدا. انتيبيوتيكپەن ۆيرۋستىق ينفەكتسيانى ەمدەمەيدى جانە ونىڭ پايداسى دا جوق. ۇزاق قولدانعان جاعدايدا ولارعا اعزا ۇيرەنىپ كەتەدى. دەمەك، شىنىمەن قاجەت بولعاندا نەمەسە قيىن جاعدايدا دارىگەردىڭ ءدارى- دارمەك تاڭداۋى قيىن بولادى. سونىمەن قاتار باۋىر مەن بۇيرەكتى حيميالىق زاتتارمەن ۋلاۋ قاۋپى وتە جوعارى جانە جاناما اسەرلەرى كوپ - اسقازان- ىشەك جولدارىنىڭ فۋنكتسياسىنىڭ بۇزىلۋىنان جۇيكە جۇيەسى تاراپىنان تەرىس رەاكتسيالارعا دەيىن.

اتالعان تەراپيانى قابىلدار كەزدە نەمەسە دارىگەر تاعايىنداعاندا مىنا ەرەجەلەردى ەستە ساقتاڭىز: انتيبيوتيكتەردى پروبيوتيكتەرمەن قابىلداۋ كەرەك؛ ولاردى كۋرسپەن ءىشۋ كەرەك؛

ءبىرىنشى ينەكتسيا الدىندا، ەگەر پرەپارات بۇرىن قولدانىلماسا، سەزىمتالدىققا تەست جاساۋ قاجەت؛

بالالار مەن جۇكتى ايەلدەرگە كورسەتىلىمدەر بويىنشا جانە دۇرىس رەجيمدە قابىلدانسا عانا ۇسىنىلمايدى؛

تابلەتكادان ينەكتسيا جاقسى؛

انتيبيوتيكتەر الكوگولمەن ۇيلەسپەيدى.

www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات