سىبايلاس جەمقورلىققا قارسى قىزمەت وكىلدەرىنەن قاشقان شەنەۋنىك تەكەلى وزەنىنە اعىپ كەتە جازدادى

نۇر- سۇلتان. قازاقپارات - الماتى وبلىسىنا قاراستى تەكەلى اۋدانى اكىمى اپپاراتىنىڭ باسشىسىنا قاتىستى سوتقا دەيىنگى تەرگەۋ باستالدى.

بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگى 1- دەپارتامەنتتىڭ اسا ماڭىزدى ىستەر جونىندەگى تەرگەۋشىسى قايسار بارجاقسىنوۆ ايتتى، دەپ حابارلايدى قازاقپارات ءتىلشىسى.

«ول «مۇگەدەكتەر قوعامى» قوعامدىق بىرلەستىگىنىڭ ديرەكتورىنان وڭىرلەردى دامىتۋدىڭ 2020 -جىلعا دەيىنگى مەملەكەتتىك باعدارلاماسىن ىسكە اسىرۋ اياسىندا جۇرگىزىلىپ جاتقان تەكەلى قالاسىنىڭ اۋماعىن اباتتاندىرۋعا قاتىستىكەلىسىمشارت بويىنشا قوعامنىڭ قىزمەتىنە جالپى قامقورلىق كورسەتۋ ءۇشىن 1,5 ميلليون تەڭگە سوماسىندا پارا الۋ كۇدىگىنە ءىلىندى»، - دەدى تەرگەۋشى.

ونىڭ ايتۋىنشا، تەكەلى قالاسى اكىمى اپپاراتىنىڭ باسشىسىن اشكەرەلەۋ كەزىندە ول ءوز باسىن قاۋىپ- قاتەرگە تىگىپ، وقيعا ورنىنان جاسىرىنباق بولعان.

«ول وزەنگە سەكىرىپ، ونى ءجۇزىپ ءوتۋ ارقىلى جاسىرىنعىسى كەلگەن. سونىمەن بىرگە ءوزى وزەنگە اعىپ كەتە جازداعان. الايدا، ونى سىبايلاس جەمقورلىققا قارسى قىزمەتتىڭ قىزمەتكەرلەرى ۇستادى. ق ر ق پ ك 201-بابىنا سايكەس وزگە اقپارات تەرگەۋ مۇددەسى ءۇشىن جاريالاۋعا جاتپايدى»، - دەدى قايسار بارجاقسىنوۆ.