شايان ۋىنان دايىندالعان قاتەرلى ىسىك ەمى
زەرتتەۋ قورىتىندىسىن جاريالاعان - Frontiers in Pharmacology عىلىمي جۋرنالى.
زەرتتەۋدە ايتىلعانداي، شۇبار شاياننىڭ ۋىندا جاسۋشانىڭ ءبولىنۋى مەن يممۋنيتەتكە شابۋىل جاساۋ سىندى فيزيولوگيالىق قىزمەتتەردى جۇزەگە اسىراتىن كاليي ارناسىن بىتەۋگە كومەكتەسەتىن مولەكۋلالار بار. وسى مولەكۋلالاردىڭ قۇرامىن وزگەرتۋ ارقىلى امينقىشقىل تىزبەگىن قۇرىپ كاليي ارناسىنىڭ دامۋ، ءوسۋ جولدارىن بىتەۋگە بولادى.
ياعني، زەرتتەۋشىلەر شايان ۋىنىڭ قۇرامىن جاساندى تۇردە وزگەرتۋ ارقىلى قاتەرلى ىسىك پەن باسقا دا قاۋىپتى اۋرۋلاردىڭ ورشۋىنە جاعداي جاسايتىن كالي ارناسىن بۇعاتتايتىن قوسپا دايىنداپ شىقتى. عالىمداردىڭ الدىندا تۇرعان ەندىگى مىندەت - «مۇنداي اقۋىز بەن كالي ارناسىنىڭ ايماقتارى ءبىر- بىرىمەن قانداي بايلانىستا ارەكەت ەتەتىنىن» انىقتاي وتىرىپ، زاماناۋي ءدارى- دارمەك ءتۇرىن جاساپ شىعۋ.