+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ازاماتتار ءدارى- دارمەكتىڭ باعاسىن نەگىزسىز كوتەرۋ فاكتىلەرىن اشكەرەلەي الادى

9 شىلدە 16:21
:ءبولىسۋ
ازاماتتار ءدارى- دارمەكتىڭ باعاسىن نەگىزسىز كوتەرۋ فاكتىلەرىن اشكەرەلەي الادى

نۇر- سۇلتان. قازاقپارات - ازاماتتار ءدارى- دارمەكتىڭ باعاسىن نەگىزسىز كوتەرۋ فاكتىلەرىن اشكەرەلەي الادى.

بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ پاراساتتىلىق دەپارتامەنتىنىڭ ديرەكتورى عانيجان اسان ۇلى ايتتى، دەپ حابارلايدى قازاقپارات ءتىلشىسى.

«كوروناۆيرۋسقا بايلانىستى قالىپتاسقان جاعدايدا دارىلىك زاتتارعا باعانى ادەيى كوتەرۋ، سونداي- اق جاساندى تاپشىلىقتىڭ پايدا بولۋى، اۋرۋحانالاردا توسەك ورىندارىنىڭ بولماۋى بايقالادى. وسىعان بايلانىستى مەملەكەت باسشىسىنىڭ ءدارى- دارمەكتەردى الىپساتارلىق جاعدايلارىن جويۋ تاپسىرماسىن ورىنداۋ ءۇشىن ەلىمىزدىڭ بارلىق وڭىرلەرىندە جۇمىس توپتارى جۇمىس ىستەۋدە. ولاردىڭ قۇرامىنا سىبايلاس جەمقورلىققا قارسى قىزمەتىنىڭ قىزمەتكەرلەرى، «ادالدىق الاڭى» جوبالىق كەڭسەلەرىنىڭ، ارنايى مونيتورينگ توپتاردىڭ مۇشەلەرى، سونداي- اق باسقا دا مۇددەلى مەملەكەتتىك ورگانداردىڭ وكىلدەرى كىردى»، - دەدى ول اگەنتتىكتىڭ باسپا ءسوز الاڭىندا وتكەن بريفينگ بارىسىندا.

ونىڭ اتاپ وتۋىنشە، اتالعان جۇمىس توپتارى الەۋمەتتىك جەلىلەرگە جانە سايتتارعا تاپشى دارىلىك زاتتاردى ساتۋ جانە باعانى كوتەرۋ بويىنشا حابارلامالارعا، اۋرۋحانالاردا حالىق ءۇشىن جاسالعان جاعدايلارعا قوعامدىق مونيتورينگ جۇرگىزىپ وتىر. سونداي- اق ءدارى- دارمەكتى ساقتاۋ جانە ساتۋ ورىندارىن دا تەكسەرىپ جاتىر.

«حالىقپەن كەرى بايلانىس ورناتۋ ءۇشىن 87020002494 WhatsApp نومەرى جۇمىس ىستەيدى. وعان ازاماتتار ءدارى- دارمەكتىڭ باعاسىن كوتەرۋ فاكتىلەرى بويىنشا فوتو جانە بەينە ماتەريالداردى جىبەرە الادى. اتالعان نومىردەن بولەك وڭىرلەردە «ادالدىق الاڭى» جوبالىق كەڭسە باسشىلارىنىڭ تەلەفوندارى جۇمىس ىستەيدى. بۇل نومەرلەردىڭ بارلىعى تاۋلىگىنە 24 ساعات اپتاسىنا 7 كۇن قاعيداتى بويىنشا ارەكەت ەتەدى. ازاماتتاردىڭ جولداعان ءاربىر فاكتىسى تەكسەرىلىپ، بۇزۋشىلىق انىقتالعان جاعدايدا ءتيىستى شارالار قابىلداناتىن بولادى»، - دەدى عانيجان اسان ۇلى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات