اقىن مۇحتار شاحانوۆ ەكى وكپەسى قابىنىپ، اۋرۋحاناعا ءتۇستى
«2 -شىلدەدە مۇحتار شاحانوۆتىڭ تۋعان كۇنى بولدى. سونى رەداكسيادا كىشىگىرىم اتاپ وتتىك. ونىڭ الدىندا شامالى مازاسى بولماي ءجۇردى، ءبىراق قاتتى اۋىرعان جوق. جوتەل سەكىلدى اۋرۋدىڭ بەلگىلەرى بولمادى. ءوزى ۇنەمى قوزعالىستا جۇرەتىن ادام بولعان سوڭ كەيىنگى كەزدەرى كوپ دەمالعىسى كەلە بەردى»، - دەدى شاحانوۆتىڭ ورىنباسارى.
ايتۋىنشا، 2 -شىلدە كۇنى تۇندە اقىننىڭ مازاسى قاشىپ، جەدەل جاردەم شاقىرعان. 3 -شىلدەدە تۇندە الماتىدا اۋرۋحاناعا جاتقىزىلدى.
«وكپەنىڭ قابىنۋىنا قارسى ەم الىپ جاتىر. قازىر كوڭىل كۇيى جامان ەمەس. الايدا اۋرۋحانادان شىققىسى كەلىپ وتىر. دارىگەرلەر تاعى بىرنەشە كۇن باقىلاۋدا بولىپ، ەمدەلۋى قاجەت ەكەنىن ايتىپ، رۇقسات بەرمەدى. تاعى 1-2 كۇن اۋرۋحانادا بولادى. كوروناۆيرۋس ەمەس ەكەنى انىقتالدى»، - دەدى ءبىلال.
«مۇحتار شاحانوۆ اعام دا ەكى وكپەسى قابىنىپ، «قالقاماندا» جاتىر. بۇگىن شامالى بەرى قارادى. دۇعادا بولىڭىزدار!» دەپ جازدى قۇديار ءبىلال 8-شىلدە كۇنى .
ايتا كەتەيىك، مۇحتار شاحانوۆ 1942 -جىلى 2 -شىلدەدە وڭتۇستىك قازاقستان وبلىسى وتىرار اۋدانىندا دۇنيەگە كەلگەن. شاحانوۆ 2004 -جىلدان بەرى «جالىن» جۋرنالىندا باس رەداكتور قىزمەتىن اتقارىپ كەلەدى.