+7 (701) 759 90 19
27 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

برازيليادا كوروناۆيرۋس قۇرباندارىنىڭ سانى ارتىپ جاتىر

9 شىلدە 16:53
:ءبولىسۋ
برازيليادا كوروناۆيرۋس قۇرباندارىنىڭ سانى ارتىپ جاتىر

برازيليا. قازاقپارات - برازيليادا كوروناۆيرۋستان قايتىس بولعاندار سانى 67964 كە جەتتى، ال جالپى ۆيرۋس جۇقتىرعاندار 1713160 بولدى، دەپ حابارلايدى قازاقپارات Agencia Brasil اگەنتتىگىنە سىلتەمە جاساپ.

ءولىم كوەففيتسيەنتى (جۇقتىرۋ جاعدايىنا شاققانداعى ءولىم سانى) %4 دى قۇرادى. 100 مىڭ ادامعا شاققانداعى ءولىم %31,8 عا جەتتى. برازيليادا COVID-19-دان بولعان ءولىم سانى كوپ تىركەلگەن ايماق - وڭتۇستىك- شىعىس (30518) ، سولتۇستىك- شىعىس (21605) ، سولتۇستىك (10115)، ورتالىق- باتىس (2442) جانە باتىس (2061). برازيليالىق 27 شتاتتىڭ ىشىندە سان- پاۋلۋ (16475)، ريو- دە- جانەيرو (10881) - ەكەۋى دە وڭتۇستىك- شىعىستا - سەارا (6556) ، پارا (5.128) جانە پەرنامبۋكۋدا (5234) ءولىم دەڭگەيى جوعارى. ماتۋ- گروسۋ- دۋ- سۋل (128)، توكانتينس (228)، رورايما (376) ، اكرا (399) جانە سانتا- كاتارينا (419) - ۆيرۋستان بولعان ءولىم كورسەتكىشى از شتاتتار. دەنساۋلىق ساقتاۋ مينيسترلىگىنىڭ مالىمەتى بويىنشا، برازيليا كوروناۆيرۋس جۇقتىرۋ جانە ءولىم سانى بويىنشا الەمدە ا ق ش- تان كەيىنگى ەكىنشى ورىندا تۇر.

دجون حوپكينس ۋنيۆەرسيتەتىنىڭ جاھاندىق كارتاسىنا سايكەس، ا ق ش- تا 3054699 ادام جاڭا دەرتكە شالدىققان. كوروناۆيرۋس جۇقتىرۋ بويىنشا ءۇندىستان ءۇشىنشى ورىندا تۇر. وندا 767296 جاعداي تىركەلگەن. ينفەكتسياعا شالدىققان 99749 اداممەن رەسەي ءتورتىنشى ورىندا. بەستىكتى پەرۋ قورىتىندىلاپ تۇر. سوڭعى مالىمەت بويىنشا، وندا ۆيرۋسقا شالدىققاندار - 312911. قازىرگى ۋاقىتتا الەمدە 12041480 ادام جاڭا كوروناۆيرۋستى جۇقتىرعان.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات