+7 (701) 759 90 19
29 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كوروناۆيرۋس: ناۋقاستارعا زيانىن تيگىزەتىن التى «كەڭەس»

9 شىلدە 15:46
:ءبولىسۋ
كوروناۆيرۋس: ناۋقاستارعا زيانىن تيگىزەتىن التى «كەڭەس»

نۇر- سۇلتان. قازاقپارات - سوڭعى اپتادا ينتەرنەتتە الەمدى اۋرەگە سالعان قاۋىپتى ۆيرۋستى ءوز بەتىنشە جەڭۋ تۋرالى كەڭەستەر كوپ جاريالاندى.

سودا ينگالياتسياسىمەن، سارىمساق سۋىمەن نەمەسە انتيبيوتيكتەرمەن قۇتىلۋدى ۇسىنعاندار بار. ءبىراق مۇنداي ادىستەردىڭ زيانى تۋرالى ەشكىم ەسكەرتپەيدى. وسى ورايدا قازاقپارات دارىگەرلەر تىيىم سالعان ەڭ زياندى «كەڭەستەردى» ءتىزىپ كوردى.

ينگالياتسيالىق بۋ تەراپياسى

ەگەر شىرىشتى قاباتتى كۇيدىرگىڭىز كەلمەسە جانە قازىرگى جاعدايىڭىزدى ناشارلاتقىڭىز كەلمەسە، سودامەن «ىستىق ۆاننا» جاساپ، دەم الۋعا تىرىسپاڭىز. ونىڭ ۇستىنە، قازىرگى ۋاقىتتا COVID-19 پەن پنيەۆمونيانى ەمدەۋدەگى بۋ تەراپياسىنىڭ تيىمدىلىگى تۋرالى بىردە- ءبىر عىلىمي دالەلدەنگەن دەرەك جوق. ال سوداعا اللەرگيا بولسا، شىرىشتى قاباتتىڭ كۇيۋى نەمەسە كۆينكەنىڭ ءىسىنۋى قاۋپى وتە جوعارى. سونىمەن بىرگە، جىلۋ ينگالياتسيالارىنا ءبىرقاتار قارسى كورسەتىلىمدەر بار، مىسالى، گيپەرتەرميا - جوعارى دەنە تەمپەراتۋراسى، گيپەرتونيا - جوعارى قان قىسىمى، جۇرەك- تامىر اۋرۋلارى نەمەسە بۇيرەك قىزمەتى بۇزىلعاندا بۇل ءادىس قاۋىپتى.

سارىمساقتىڭ سۋىن ءىشۋ نەمەسە اشقارىنعا سارىمساق جەۋ

ەگەر سىزدە اسقازان- ىشەك جولدارىنىڭ اۋرۋى بولسا، وندا سارىمساقتىڭ قايناتىلعان سۋىن دا، تۇتاس سارىمساق ءتۇيىرىن دە جەۋگە بولمايدى. ايتپەسە ىشەك جۇمىسىنىڭ بۇزىلۋىنا، اسقازان قىجىلىنا جانە باۋىردىڭ شانشۋىنا دايىن بولىڭىز. ءتىپتى ەش اۋرۋىڭىز بولماسا دا جانە سارىمساقتى كۇندەلىكتى قابىلداۋعا بولادى دەپ ويلاساڭىز دا، گيپەرتونيا، جۇرەك اۋرۋلارى جانە باس ساقيناسى مازالاۋى مۇمكىن. ءبىراق بۇل ءادىس COVID-19 ۆيرۋسىنان ەش قۇتقارمايدى. بۇل تابيعي انتيسەپتيكتىڭ بارلىق انتيميكروبتىق قاسيەتتەرىنە قاراماستان، ونىڭ كوروناۆيرۋسپەن كۇرەستەگى تيىمدىلىگى دالەلدەنبەگەن.

اراقپەن جانە سپيرت بۋىمەن دەزينفەكتسيا جاساۋ

اسىلىندە، الكوگولدى شامادان تىس تۇتىنۋ يممۋندىق جۇيەنى السىرەتەدى، بۇل ۆيرۋستىڭ تەزىرەك جۇقتىرۋ قاۋپىن كوبەيتەدى. ال جۇرەك- تامىر اۋرۋلارى مەن باۋىر ماسەلەلەرى بولسا، الكوگول اسقىنۋ قاۋپىن ارتتىرادى جانە ەمدەۋدى قيىنداتادى. مۇنداي ناۋقاستىڭ ءومىر ءسۇرۋ مۇمكىندىگى نولگە تەڭ بولادى. سپيرت بۋىمەن ينگالياتسيا، ياعني ۆيرۋستىڭ ءليپيدتى مەمبراناسىن جويۋعا مۇمكىندىك بەرەتىن كونتسەنتراتسيا وكپەنىڭ تومەنگى بولىكتەرىنە جىبەرىلگەن ۆيرۋستى ولتىرۋگە جەتكىلىكسىز بولادى. سونىمەن قاتار، مەديتسينالىق سپيرت شىنىمەن وكپە ىسىنۋىندەگى كوبىكتى باسۋ ءۇشىن قولدانىلادى، ءبىراق مۇندا دارىگەر قاۋىپسىز دوزانى ءدال ەسەپتەۋى ءتيىس.

وكپەدە اۋا ايداۋ ءۇشىن شار ۇرلەۋ

ءيا، ءتيىمدى «وكپە جاتتىعۋى» رەتىندە ۇسىنىلعان بۇل ءادىس كوروناۆيرۋس ينفەكتسياسى كەزىندە الۆەولالارعا (جاق سۇيەگىنىڭ قۋىسى) اسەر ەتىپ، ۇلپاارالىق قابىنۋعا ىقپال ەتىپ، ءبىراز اسقىنۋ تۋدىرۋى مۇمكىن. بۇل جاعدايدا وكپە تىنىنە جاپپاي زاقىم كەلىپ، ونى ءالسىز ەتەدى. دوپ ۇرلەۋ سياقتى كەز كەلگەن وقىس جۇكتەمە وكپە ءتىنىن جىرتىپ جىبەرەدى، سونىڭ سالدارىنان تىرتىق ءارى قاراي ۇزارا بەرەدى. ونىڭ ۇستىنە كەۋدە قۋىسىنىڭ جىلدام جانە كۇشتى قوزعالىسىمەن وكپەنى قايتا جۇكتەۋ وكپە باروتراۆماسىنا اكەپ سوعۋى مۇمكىن. ونىڭ بەلگىلەرى قاقىرىقتاعى قان، وكپە ءتىنىنىڭ جىرتىلۋى، الۆەولالاردىڭ قوسىمشا زاقىمدالۋى جانە ەنتىگۋ، ەمفيزەما مەن وكپە فيبروزىنىڭ كۇشەيۋى ارقىلى كورىنۋى مۇمكىن. بۇل دا وكپە جۇمىسىنا كەرى اسەر ەتەدى.

حيجاما COVID-19 جويا الا ما؟

جويا المايدى. جاقىندا، بۇل قان شىعارۋ پروتسەدۋراسىن الدەكىمدەر كوروناۆيرۋسقا قارسى كۇشتى ەمدەۋ ءادىسى رەتىندە ۇسىنا باستادى. الايدا، بۇل عىلىمي نەگىزدەلمەگەن، سونىمەن بىرگە قاۋىپتى. بىرىنشىدەن، حيجاما مەديتسينالىق پروتسەدۋرا ەمەس، ءبىراق ونىڭ تومەنگى ارتەريالىق قان قىسىمى، سوزىلمالى جۇرەك پاتولوگياسى، قان جاسۋشالارىنىڭ تومەن كونتسەنتراتسياسى، كەز- كەلگەن تامىر پاتولوگياسى جانە ءتىپتى پسيحيكالىق اۋىتقۋلار سىندى ءبىرقاتار قارسى كورسەتىلىمدەرى بار. حيجامادا 65 جاستان اسقاندار مەن بالالار ۇلكەن قان جوعالتۋى مۇمكىن.

قاۋىپسىز انتيبيوتيك بولمايدى

بۇگىندە كوروناۆيرۋس انىقتالعان ناۋقاسقا ايتىلاتىن ءاربىر ەكىنشى كەڭەس - شۇعىل تۇردە انتيبيوتيك قابىلداۋ بولىپ وتىر. الايدا دارىگەرلەر ەكى سەبەپكە بايلانىستى انتيبيوتيك الماۋعا كەڭەس بەرەدى. بىرىنشىدەن، اۋرۋدىڭ سيمپتومسىز جانە جەڭىل تۇرىندەگى %80 جاعدايدا اعزا ۆيرۋستى وزدىگىمەن جەڭە الادى. قازاقستاننىڭ كلينيكالىق حاتتاماسىنىڭ 10- شىعارىلىمىندا دەنە قىزۋىن ءتۇسىرۋ ءۇشىن پاراتسەتامول مەن يبۋپروفەنگە جۇگىنۋدى ۇسىنادى. ەكىنشىدەن، COVID-19 ەمدەۋدە انتيبيوتيكتى ۇزاق قولدانۋ اسەرىنەن باكتەريالاردا انتيبيوتيكتەرگە توزىمدىلىك پايدا بولۋى مۇمكىن. ياعني، شىن قاجەت بولعان جاعدايدا بۇل پرەپاراتتار كومەكتەسە الماۋى ابدەن مۇمكىن.

جالعان ساراپشىلار كوروناۆيرۋستى ەمدەمەيدى

ەگەر ءسىز «اقپاراتتىق گيگيەنا» ۇعىمىن بۇرىن- سوڭدى ەستىمەسەڭىز جانە مەديتسينا سالاسىنداعى ءبىلىمى كۇماندى بلوگەرلەرگە سەنسەڭىز، ءسىز ءۇشىن تاجىريبەلى دارىگەرلەردەن گورى الەۋمەتتىك جەلىلەر مەن مەسسەندجەرلەر - اقپاراتتىڭ نەگىزگى كوزى بولسا، وندا ءسىز ءوز دەنساۋلىعىڭىزعا زيان كەلتىرەسىز. ادام ومىرىنە تىكەلەي بايلانىستى سالاداعى اۋەسقوي مەن جالعان مامان ۇلكەن قاۋىپ تۋدىرادى. اقپاراتتى تەكسەرىپ، رەسمي كوزدەردەن الۋعا داعدىلانعان ادامدار ءۇشىن ق ر دەنساۋلىق ساقتاۋ مينيسترلىگى مەن دۇنيەجۇزىلىك دەنساۋلىق ساقتاۋ ۇيىمىنىڭ رەسمي سايتتارى بار.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات