ۇيدە ەمدەلىپ جاتقان پنيەۆمونياسى بار ناۋقاستار ءدارىنى تەگىن الۋى ءتيىس

None
None
نۇر-سۇلتان. قازاقپارات - وكپەسى قابىنعانىمەن اۋرۋحاناعا جاتپاعان ناۋقاستار ءدارىنى تەگىن الۋى ءتيىس.

بۇل تۋرالى ق ر دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا ايتتى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، قولدانىستاعى تىزىلىمگە سايكەس، قازاقستاندا 18 جاسقا دەيىنگى بالالار ج ر ۆ ي، تىنىس الۋ جولدارىنىڭ وتكىر اۋرۋلارى، اۋرۋحانادان تىس وكپە قابىنۋى كەزىندە، ال ەرەسەك ادامدار اۋرۋحانادان تىس وكپە قابىنۋى كەزىندە تەگىن امبۋلاتورلىق ءدارى-دارمەكپەن قامتاماسىز ەتىلۋى ءتيىس.

«بۇل ءدارى-دارمەكتەردى ۋچاسكەلىك دارىگەر جازىپ بەرەدى جانە ول باقىلاۋشى ورگان قانشا پرەپارات، كىمگە جازىلىپ بەرىلگەنىن كورىپ وتىرۋى ءۇشىن اقپاراتتىق جۇيە ارقىلى وتەدى»، - دەدى ۆيتسە- مينيستر.

ليۋدميلا بيۋرابەكوۆانىڭ ايتۋىنشا، بۇگىندە ەلىمىزدەگى ەپيدەميولوگيالىق احۋالعا بايلانىستى بارلىق وڭىردە مۇنداي ءدارى-دارمەكتى ۋچاسكەلىك مەدبيكەلەردىڭ ۇيگە جەتكىزىپ بەرۋى ۇيىمداستىرىلعان.

«بۇل پرەپاراتتاردى ءموبيلدى بريگادالاردىڭ دا جەتكىزىپ بەرۋى جوسپارلانعان. دارىگەر تەگىن قامتاماسىز ەتىلەتىن مۇنداي پرەپاراتتاردى جازىپ بەرگەنىمەن، پاتسيەنت ءدارىحانادان بارىپ الاتىن جايتتار بولىپ جاتسا، وندا مۇنداي فاكتىلەردى بىزگە حابارلاۋدى وتىنەمىز. شارا قولداناتىن بولامىز»، - دەدى ۆيتسە-مينيستر.

اۆتور: مارلان جيەمباي


سوڭعى جاڭالىقتار