ونەر قايراتكەرى كەڭەس دۇيسەكەيەۆ ومىردەن وزدى
بۇل تۋرالى ق ر اقپارات جانە قوعامدىق دامۋ ءمينيسترى ايدا بالايەۆا Facebook-تەگى پاراقشاسىندا جازدى، دەپ حابارلايدى قازاقپارات.
«بەلگىلى ونەر ساڭلاعى، ايگىلى كومپوزيتور كەڭەس دۇيسەكەيەۆتىڭ قايتىس بولۋىنا بايلانىستى مارقۇمنىڭ وتباسى مەن تۋعان-تۋىستارىنىڭ قايعىسىنا ورتاقتاسىپ كوڭىل ايتامىز. قازاق مۋزىكا ونەرىنىڭ ءوسىپ-وركەندەۋىنە ولشەۋسىز ەڭبەك سىڭىرگەن اتاقتى كومپوزيتوردىڭ شىعارمالارى، اندەرى مەن اۋەندەرى تۋعان حالقىنىڭ جادىندا، جۇرتىنىڭ جۇرەگىندە ماڭگى ساقتالاتىنى اقيقات. كومپوزيتور كەڭەس دۇيسەكەيەۆ «گۇلدەر» انسامبلىنىڭ باس ديريجەرى جانە مۋزىكا جەتەكشىسى، «قازاق كونسەرت» بىرلەستىگىنىڭ مۋزىكا جەتەكشىسى، قازاق تەلەديدارى مۋزىكا رەداكسياسىنىڭ باس رەداكتورى سياقتى جاۋاپتى باسشىلىق قىزمەتتەردى اتقارا ءجۇرىپ، ارتىندا مول شىعارماشىلىق مۇرا قالدىردى. مارقۇمنىڭ جاتقان جەرى جايلى، توپىراعى تورقا بولسىن. پەيىشتە نۇرى شالقىسىن»، - دەپ جازدى ا. بالايەۆا.
فوتو:alashainasy.kz