+7 (701) 759 90 19
28 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كوروناۆيرۋسقا بولىنگەن قارجىنى فلەش-موبقا ەمەس، ءدارى-دارمەككە جۇمساۋ كەرەك ەدى - ايگۇل سولوۆيەۆا

9 شىلدە 14:55
:ءبولىسۋ
كوروناۆيرۋسقا بولىنگەن قارجىنى فلەش-موبقا ەمەس، ءدارى-دارمەككە جۇمساۋ كەرەك ەدى - ايگۇل سولوۆيەۆا

نۇر-سۇلتان. قازاقپارات - كوروناۆيرۋسپەن كۇرەسكە بولىنگەن كولەمدى قاراجات فلەش- موبقا جۇمسالعان.

بۇل تۋرالى رەسپۋبليكالىق ارنايى مونيتورينگ توبىنىڭ جەتەكشىسى ايگۇل سولوۆيەۆا بۇگىن ونلاين- بريفينگىدە ايتتى، دەپ حابارلايدى قازاقپارات ءتىلشىسى.

«كەشە پرەزيدەنت كوروناۆيرۋس ينفەكسياسىمەن كۇرەسۋگە 191 ميلليارد تەڭگە بولىنگەنى تۋرالى ايتتى. وعان دەيىن شامامەن 400 ميلليون دوللار بولىنگەن بولاتىن. ءبىزدىڭ ساراپتامالىق توپ بۇل قارجى قانداي شاراعا بولىنگەنىن انىقتاپ جاتىر. مەندەگى اقپارات بويىنشا، 600 ميلليون تەڭگە فلەش-موب ۇيىمداستىرعان جارنامالىق كومپانياعا بولىنگەن. ءدال قازىرگى جاعدايعا جەتكىزبەس ءۇشىن بۇل قارجىعا قاجەتتى ءدارى-دارمەك، مەديتسينالىق قۇرالداردى الۋعا بولار ەدى. دەگەنمەن وسى 600 ميلليون تەڭگەنىڭ 200 ميلليون تەڭگەسى ءالى جۇمسالماعان ەكەن. ءبىراق ول قارجى ق ر دەنساۋلىق مينيسترلىگى ۇيىمداستىرعان تەندەرگە قاتىسىپ، ۇتىپ العان كومپانياعا اۋدارىلىپ قويدى»، - دەيدى ول.

ونىڭ ايتۋىنشا، قانداي ءدارى جوق، قاي ءدارىنىڭ باعاسى قانشاعا قىمباتتاعانى تۋرالى حابارلامالار ازاماتتاردان ءتۇسىپ جاتىر.

«پرەزيدەنتتىڭ ۇندەۋىنەن ونىڭ ورىن الىپ جاتقان قۇقىق بۇزۋشىلىق جاعدايلار تۋرالى حاباردار بولىپ وتىرعانىن بىلدىك. مەملەكەت باسشىسى قۇقىق قورعاۋ ورگاندارىنا ءدارى-دارمەكتىڭ جاساندى تاپشىلىعىن جاساپ وتىرعاندارمەن جۇمىس ىستەۋگە تاپسىرما بەردى. رەسپۋبليكالىق ارنايى مونيتورينگ توبى پرەزيدەنت بۇل تاپسىرمانى بەرگەنگە دەيىن ەكى كۇن بۇرىن جۇمىستى باستاپ كەتتى. ورىن الىپ جاتقان جاعدايلارعا نارازى بولۋ - ءبىر بولەك، ال ماسەلەنى شەشۋگە ۇلەس قوسۋ - ءبىر بولەك. الماتى، نۇر-سۇلتان قالالارىندا، ماڭعىستاۋ، شىعىس قازاقستان وبلىستارىندا مونيتورينگ جۇرگىزىپ، ءدارى-دارمەك باعاسىن 1,5-2 ەسە قىمباتتاتقان فاكتىلەردى انىقتادىق»، - دەدى ايگۇل سولوۆيەۆا.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات