قورقىنىشتى فيلم كورۋ - كوروناۆيرۋسپەن كۇرەسۋگە كومەكتەسەدى
امەريكاندىق عالىمدار وسىنداي تۇجىرىمعا كەلىپ وتىر. بۇل تۋرالى وتاندىق ب ا ق Hi-News.ru-عا سىلتەمە جاساپ جازعان.
عالىمداردىڭ پايىمداۋىنشا، ادامدار قورقىنىشتى فيلمدەردى ۇناتادى، ويتكەنى ولار ەكسترەمالدى جاعدايلاردى باستان وتكىزىپ، ديۆاندا وتىرىپ-اق ادرەناليندى قابىلداۋعا مۇمكىندىك الادى.
قورقىنىشتى فيلمدەردى قاراۋ ادامدارعا كوروناۆيرۋستىق پاندەميا سياقتى كەڭ اۋقىمدى پروبلەمالارعا دايىندالۋدا كومەكتەسەدى.
«قورقىنىشتى جاقسى كورەتىندەر بارلىق اۋرۋلاردان جانە قوعامداعى قيىن جاعدايلاردان قورقادى، ءبىراق ولار ءالى دە ىزدەنىپ، وسى جاعدايلار تۋرالى جاڭالىقتار مەن ماقالالاردى قىزىعۋشىلىقپەن وقيدى، سوندىقتان ولار الەمدە نە بولىپ جاتقاندىعى جانە ءومىر ءسۇرۋ ءۇشىن قالاي ارەكەت ەتۋ تۋرالى كوبىرەك بىلەدى. وزدەرىن وسىلايشا قورعاۋعا تىرىساتىن ادامدار پروبلەمامەن بەتپە-بەت كەلگەندە بەرىلمەيدى»، - دەلىنگەن ماقالادا.
قورقىنىشتى فيلمدەردىڭ پايدالى ەكەنىن ا ق ش-تىڭ يللينويس شتاتىنىڭ عالىمدارى دالەلدەدى. عىلىمي جۇمىستىڭ اۆتورى كولتان سكريۆنەردىڭ ايتۋىنشا، كوپتەگەن قورقىنىشتى فيلمدەر جانكۇيەرلەرىندە قىلمىس جانە ءقاۋىپتى اۋرۋلار سياقتى جاعىمسىز تاقىرىپتار تۋرالى «ۇرەيلى قىزىعۋشىلىق» بار. ونىڭ ادام ۇرەيىن جەڭۋدە پايدسى وراسان.