جەدەل جاردەم قىزمەت كورسەتۋدەن باس تارتسا قايدا جۇگىنۋگە بولادى

نۇر-سۇلتان. قازاقپارات - جەدەل جاردەم قىزمەت كورسەتۋدەن باس تارتسا ازاماتتار قايدا جۇگىنە الادى؟ بۇل سۇراققا دەنساۋلىق ساقتاۋ مينيسترلىگىنەن جاۋاپ بەرىلدى، دەپ حابارلايدى قازاقپارات ءتىلشىسى.

««ءدال قازىر جانە ءدال وسى جەردە» قاعيداتى بويىنشا ماسەلەلەردى جەدەل شەشۋ ءۇشىن مىندەتتى الەۋمەتتىك مەديتسينالىق ساقتاندىرۋ قورىندا 1406 بايلانىس ورتالىعى قۇرىلعان. وسى نومىرگە حابارلاسقان ادام ەم- دوم بويىنشا كەڭەس نەمەسە مەديتسينالىق كومەك الا الادى. شاعىمدى دا وسى نومىرگە قالدىرۋعا بولادى»، - دەدى مينيسترلىكتەن.

1406 بايلانىس ورتالىعى 24/7/365 رەجيمىندە جۇمىس جاسايدى. سونىمەن بىرگە مىندەتتى الەۋمەتتىك مەديتسينالىق ساقتاندىرۋ قورى «Qoldau 24/7» موبيلدىك قوسىمشاسىن ىسكە قوسقان. ەسكە سالا كەتسەك، بۇعان دەيىن ق ر دەنساۋلىق ساقتاۋ ۆيتسە-ءمينيسترى اجار عينيات جەدەل جاردەم قىزمەتكەرلەرى شاقىرتۋ تۇسكەن جاعدايدا جاعىمسىز جاعدايلارمەن ءجيى كەزدەسىپ جاتقانىن، جالپى ول قىزمەتتەگى مامانداردىڭ جۇمىسىنا تۇسىنىستىكپەن قاراۋعا شاقىرعان ەدى.