+7 (701) 759 90 19
13 °С : نۇر-سۇلتان
20 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مەملەكەت باسشىسى ۇكىمەتتىڭ الداعى كەڭەيتىلگەن وتىرىسىندا كوروناۆيرۋسپەن كۇرەس ماسەلەسىن تالقىلايدى

9 شىلدە 10:30
:ءبولىسۋ
مەملەكەت باسشىسى ۇكىمەتتىڭ الداعى كەڭەيتىلگەن وتىرىسىندا كوروناۆيرۋسپەن كۇرەس ماسەلەسىن تالقىلايدى

نۇر-سۇلتان. قازاقپارات - كوروناۆيرۋسپەن كۇرەس بويىنشا قازىرگى احۋال پرەزيدەنتتىڭ قاتىسۋىمەن وتەتىن ۇكىمەتتىڭ الداعى كەڭەيتىلگەن وتىرىسى بارىسىندا تالقىلاناتىن بولادى.

بۇل تۋرالى ق ر پرەزيدەنتىنىڭ كەڭەسشىسى ەرلان قارين Facebook پاراقشاسىندا جازدى، دەپ حابارلايدى قازاقپارات ءتىلشىسى.

«ىندەت باستالعان ساتتەن-اق پرەزيدەنت ازاماتتارعا بىرنەشە مارتە ۇندەۋ جاسادى. ول ءار ۋاقىتتا دا ەڭ وتكىر ءارى وزەكتى ماسەلەلەر بويىنشا جۇگىندى. بۇگىن پرەزيدەنت تاعى دا وتانداستارىنىڭ الدىنا شىعۋعا جانە ۇلتتىڭ رۋحاني رۋحىنا قولداۋ كورسەتۋگە شەشىم قابىلدادى. پرەزيدەنت وسى ايلاردا، اپتادا، كۇندەرى تۋعان-تۋىستارى مەن جاقىندارىنان ايىرىلعاندارعا كوڭىل ايتىپ، 13- شىلدەنى ىندەت قۇرباندارىن ۇلتتىق ازا تۇتۋ كۇنى دەپ جاريالادى. ارينە، بۇل ۆيرۋستى جەڭدىك دەگەندى بىلدىرمەيدى. پرەزيدەنت ايتقانداي ول ءالى دە جالعاسادى. ءبىراق، قازاقستاندىقتار وسىلاي وزدەرىنىڭ كوڭىلدەرىن، بىرگە ەكەندىكتەرىن بىلدىرە الادى»، - دەدى پرەزيدەنت كەڭەسشىسى.

ونىڭ اتاپ وتۋىنشە، ىندەتكە بايلانىستى ازا تۇتۋ كۇنىنەن جاريا ەتكەن قازاقستان جالعىز ەل ەمەس. بۇعان دەيىن ءساۋىر ايىنىڭ باسىندا قىتاي 3 مىڭنان استام قازا تابۋىنا بايلانىستى ازا تۇتۋ كۇنىنە جاريا ەتكەن بولاتىن. ودان كەيىن مامىر ايىنىڭ باسىندا 10 مىڭنان استام ازاماتىنان ايىرىلعان برازيليا، سول ايدىڭ سوڭىندا ىندەت سالدارىنان 26 مىڭ تۇرعىنىن جەر قوينىنا بەرگەن يسپانيا مەن 92 مىڭعا جۋىق ازاماتىنان ايىرىلىپ قالعان ا ق ش ازا تۇتۋ كۇنىن جاريا ەتكەن ەدى. سونىمەن قاتار ەرلان قارين ق ر پرەزيدەنتىنىڭ تاپسىرماسىنا سايكەس، شىلدە ايىنىڭ سوڭىنا دەيىن العاشقى مەديتسينالىق كومەك كورسەتەتىن توپ سانى 3,5 مىڭ دەيىن جەتكىزىلىپ، كوروناۆيرۋس جۇقتىرعانداردى ەمدەۋگە ارنالعان توسەك-ورىن سانى 70 پايىزعا ارتتىرىلاتىندىعىن، ىندەت ۋشىعىپ تۇرعان وڭىرلەردە اسكەري-مەديتسينالىق قىزمەت كومەگىمەن 500 دەن استام توسەك-ورىن جاساقتالاتىندىعىن، جۇمىس ىستەپ تۇرعان زەرتحانالارعا قوسىمشا 20 پ تر تالداعىشى ساتىپ الىناتىندىعىن، ءبىر تاۋلىكتە جاسالاتىن تەست سانى 40 مىڭعا جەتكىزىلەتىندىگىن اتاپ وتەدى.

مۇنان بولەك، ۇكىمەت پەن اكىمدەر شۇعىل ارادا اۋرۋحانالار مەن حالىقتى قاجەتتى ءدارى-دارمەكپەن قامتاماسىز ەتۋ جۇمىستارىن جۇرگىزەتىندىگىن ايتادى. «بولشەك ساۋداعا 800 مىڭ وراما «پاراتسەتامول» جەتكىزىلدى.

ءبىر اپتانىڭ ىشىندە تاعى 900 مىڭ وراما جەتكىزىلەدى دەپ كۇتىلەدى. 150 مىڭ وراما انتيبيوتيك قازىردىڭ وزىندە ءدارىحانا جەلىلەرىنە جىبەرىلدى. تولىقتاي العاندا، پرەزيدەنت ءدارى-دارمەك، وكپەنى جاساندى جەلدەتۋ اپپاراتىن ساتىپ ساتىپ الۋعا، مەديتسينا قىزمەتكەرلەرىن ىنتالاندىرۋعا 150 ميلليارد تەڭگە ءبولۋدى تاپسىردى. تولىقتاي العاندا، كەيبىر ىركىلىستەر مەن كەمشىلىكتەرگە قاراماستان جاعداي باقىلاۋدا جانە مەملەكەتتە تەرىس ستسەنارييدى ۇستاپ تۇرۋ ءۇشىن قاجەتتى بارلىق قور بار. كوروناۆيرۋسپەن كۇرەس بويىنشا قازىرگى احۋال پرەزيدەنتتىڭ قاتىسۋىمەن وتەتىن ۇكىمەتتىڭ الداعى كەڭەيتىلگەن وتىرىسى بارىسىندا تالقىلاناتىن بولادى»، - دەدى ەرلان قارين.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات