قاسىم-جومارت توقايەۆ: كەيبىر ارسىز كاسىپكەرلەر كۇردەلى جاعدايدى پايدالانىپ، پايداعا كەنەلگىسى كەلەدى

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قوعامدا دۇربەلەڭگە جول بەرمەۋ كەرەكتىگىن باسا ايتتى، دەپ حابارلايدى قازاقپارات ءتىلشىسى.

«جالپى ءدارى-دارمەك پرەپاراتتارىن، وكپەنى جاساندى جەلدەتۋ اپپاراتتارىن ساتىپ الۋعا، مەديتسينا قىزمەتكەرلەرىن ىنتالاندىرۋعا جانە باسقا دا شۇعىل شارالارعا كەم دەگەندە 150 ميلليارد تەڭگە بولىنەدى. قاراجاتتىڭ جۇمسالۋى ەرەكشە باقىلاۋدا بولادى»، - دەدى قاسىم-جومارت توقايەۆ رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋىندە.

پرەزيدەنت سونىمەن بىرگە قوعامدا دۇربەلەڭگە جول بەرمەۋ ماڭىزدى ەكەنىن جەتكىزدى.

«كەيبىر ارسىز كاسىپكەرلەر قيىن جاعدايدى پايدالانىپ، پايداعا كەنەلگىسى كەلەدى. ولار جاساندى تولقۋدى تۋدىرىپ، قاجەتتى ءدارى-دارمەككە باعانى ادەيى كوتەرەدى. مەنىڭ تاپسىرمام بويىنشا قۇقىق قورعاۋ ورگاندارى الىپساتارلاردى جاۋاپقا تارتا باستادى. اكىمدىكتەر رەيدتەردى وتكىزىپ، وسىنداي فاكتىلەردى انىقتاۋى كەرەك. كەيبىرەۋلەر ساياسي ويىنداردى ۇيىمداستىرادى، قاۋەسەتتەردى تاراتادى، جاعدايدى ءارتۇرلى بولجامدار مەن ۇندەۋلەرمەن قىزدىرادى. قوعامدا جەككورۋشىلىك تۋدىرۋعا تىرىسادى. مۇنداي مانيپۋلياتسيالار وتە قاۋىپتى. سوندىقتان ولارعا زاڭعا سايكەس قۇقىقتىق باعا بەرىلەدى»، - دەدى قاسىم-جومارت توقايەۆ.

سوڭعى جاڭالىقتار