قازاقستاندىقتار ۇيالى قوسىمشا ارقىلى ءدارى-دارمەكتىڭ باعاسىنا شاعىمدانا الادى

نۇر-سۇلتان. قازاقپارات - قازاقستاندىقتار ۇيالى قوسىمشا ارقىلى ءدارى-دارمەكتىڭ باعاسىنا شاعىمدانا الادى، دەپ حابارلايدى قازاقپارات ق ر د س م باسپا ءسوز قىزمەتىنە سىلتەمە جاساپ.

ق ر دەنساۋلىق ساقتاۋ مينيسترلىگى جارتى جىلدا ءبىر رەت بولشەك جانە كوتەرمە ساۋدا ءۇشىن ءدارى-دارمەكتىڭ شەكتى باعاسىن بەكىتەدى.

بۇل دارىلىك زاتتار نارىعىنداعى الىپساتارلىقتىڭ الدىن الادى جانە باعانىڭ نەگىزسىز وسۋىنە جول بەرمەيدى. مينيسترلىكتىڭ بۇيرىعىنا سايكەس ەلىمىزدە ءدارىحانالارداعى ءدارى-دارمەكتىڭ قۇنى بەلگىلەنگەن شەكتى باعادان اسپاۋى ءتيىس. ءاربىر پرەپاراتتىڭ باعاسى بولەك جازىلعان.

«قوعامدىق مونيتورينگ جانە باعانى باقىلاۋ ءۇشىن DARI. KZ موبيلدىك قوسىمشاسى ازىرلەندى، ول ارقىلى ءار ادام ءدارىحاناداعى ءدارى-دارمەكتىڭ باعاسىن باقىلاي الادى. باعا نەگىزسىز قىمباتتاسا، قوسىمشاعا شاعىم جازۋعا بولادى. شاعىمدى ق ر د س م تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ اۋماقتىق بولىمشەلەرى تەكسەرەدى. جىل باسىنان باستاپ DARI. KZ موبيلدى قوسىمشاسىنا دارىلىك زاتتاردىڭ بەكىتىلگەن شەكتى باعاسىنا قاتىستى جەكە تۇلعالاردان 191 ءوتىنىش ءتۇستى»، دەلىنگەن حابارلامادا.

ءدارىحانالاردا ءدارى-دارمەككە قاتىستى داۋلى جاعدايلاردى ەسكەرە وتىرىپ، اكىمدىكتەردىڭ جانىنان ءدارى-دارمەكتىڭ شەكتى بولشەك جانە كوتەرمە باعالارىنىڭ ساقتالۋىن تەكسەرەتىن مونيتورينگ توپتارى قۇرىلدى. سونداي-اق وڭىرلەر بويىنشا دارىلىك زاتتاردىڭ بار- جوعى جانە باعاسى تۋرالى مالىمەت ۇسىناتىن انىقتامالىق قىزمەتتەردىڭ (I- Teka، MPY ، فارمگورودوك، گيپپوكرات، 103.kz، بيوسفەرا) اقپاراتى تالدانادى.

تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ اۋماقتىق بولىمشەلەرى ق ر ق م ەكونوميكالىق تەرگەۋ دەپارتامەنتىنىڭ قىزمەتكەرلەرىمەن، سونداي-اق باسقا دا مەملەكەتتىك ورگاندارمەن بىرلەسىپ ءدارىحانا ۇيىمدارىنا دارىلىك زاتتار مەن جەكە قورعانۋ قۇرالدارىنىڭ، ونىڭ ىشىندە ماسكالاردىڭ باعاسىنا تەكسەرۋ جۇرگىزەدى.

«ق ر «اكىمشىلىك قۇقىق بۇزۋشىلىق تۋرالى» كودەكسىنە سايكەس، دارىلىك زاتتاردى، مەديتسينالىق ماقساتتاعى بۇيىمدار مەن مەديتسينالىق تەحنيكانى كوتەرمە جانە بولشەك ساۋدادا ساتۋ ەرەجەلەرىن بۇزعانى ءۇشىن ايىپپۇل سالىنادى. جەكە تۇلعالارعا - 70، لاۋازىمدى ادامدارعا - 100، شاعىن كاسىپكەرلىك سۋبەكتىلەرىنە - 130، ورتا كاسىپكەرلىك سۋبەكتىلەرىنە - 200، ءىرى كاسىپكەرلىك سۋبەكتىلەرىنە 1000 ايلىق ەسەپتىك كورسەتكىش مولشەرىندە ايىپپۇل تولەيدى. دارىلىك زاتتارعا شەكتى باعانى كوتەرگەن بارلىق فاكتى بويىنشا قولدانىستاعى زاڭناماعا سايكەس جاۋاپكەرشىلىككە تارتىلادى»، دەلىنگەن حابارلامادا.

دەنساۋلىق ساقتاۋ ءمينيسترىنىڭ 2019-جىلعى 15- شىلدەدەگى ق ر د س م-104 «بولشەك جانە كوتەرمە ساۋدادا وتكىزۋگە ارنالعان دارىلىك زاتتاردىڭ ساۋدا اتاۋىنا شەكتى باعالاردى بەكىتۋ تۋرالى» بۇيرىعىندا دارىلىك زاتتاردىڭ شەكتى باعالارى كورسەتىلگەن، ونى ق ر د س م ق ك ك ب، «دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى» سايتتارىنان، سونداي-اق ق ر ادىلەت مينيسترلىگىنىڭ نورماتيۆتىك بازاسىنان تابۋعا بولادى.